Մարդու իրավունքների կազմակերպությունը կոչ է անում մասնակցել Սևակ Շահին Բալըքչըին նվիրված մամլո ասուլիսին

Մայիսի 5-ին` ժամը 13:00-ին, Մարդու իրավունքների կազմակերպության ստամբուլյան մասնաճյուղում կայանալու է մամլո ասուլիս, որի ժամանակ հաշիվ ենք պահանջելու Սևակ Շահին Բալըքչըի մահվան համար: Մամլո ասուլիսին մասնակցելու հրավեր ենք ուղարկում Սևակի մահվան վերաբերյալ պաշտոնական մեկնաբանությունները համոզիչ ու բավարար չհամարող բոլոր կազմակերպություններին, շրջանակներին, նախաձեռնող խմբերին և անհատներին:

Կազմակերպություններին, նախաձեռնող խմբերին և անհատներին

Սևակ Շահին Բալըքչըն 2011 թ. ապրիլի 24-ին սպանվեց Բաթմանում զինվորական ծառայության մեջ գտնվելիս: Ժանդարմերիայի գլխավոր հրամանատարությունը հաղորդեց, թե Սևակը մահացել է «ընկերոջ հետ կատակ անելու ժամանակ» արձակված փամփուշտից: Իսկ ոչ պաշտոնական խոսակցություններում, որոնք արտացոլվեցին մամուլում, նշվում է, թե Սևակին ծեծել են, նա ճնշումների պատճառով հետ է վերցրել այդ կապակցությամբ արված իր բողոքի դիմումը, և ազգայնամոլներն անհանգստացրել են նրան: Ժանդարմերիան հերքեց այդ պնդումները: Մարդու իրավունքների կազմակերպության ստամբուլյան մասնաճյուղի Ցեղապաշտության և խտրականության դեմ պայքարի հանձնաժողովը հրավիրում է բոլոր նրանց, ովքեր համոզիչ և բավարար չեն համարում Սևակի մահվան մասին պաշտոնական հայտարարությունները, մասնակցելու 2011 թ. մայիսի 5-ին` հինգշաբթի օրը, ժամը 13:00-ին Մարդու իրավունքների կազմակերպության ստամբուլյան մասնաճյուղում կայանալիք մամլո ասուլիսին, որի ժամանակ հաշիվ ենք պահանջելու Սևակի սպանության համար:

Մենք նաև ցանկանում ենք մասնակցել ցանկացող բոլոր կազմակերպություններին որպես «մասնակից» ներկայացնել մամուլում:

Մարդու իրավունքների կազմակերպություն

Ստամբուլի մասնաճյուղ

Ցեղապաշտության և խտրականության դեմ պայքարի հանձնաժողով

03.05.2011

http://hyetert.blogspot.com/2011/05/ihdnin-sevak-sahin-bcakc-icin-basn.html