Թուրք ժողովուրդը միայն իրեն է սիրում

Ինչպես հայտնում է թուրքական «Ռադիկալ» պարբերականը, Քաղաքականության, տնտեսության և հասարակության հետազոտական հիմնադրամի կատարած ուսումնասիրությունը ցույց է տալիս, թե Թուրքիայում բնակվող մարդիկ մյուս ազգերի հանդեմ որքան անհանդուրժողական են:

Քաղաքականության, տնտեսության և հասարակության հետազոտական հիմնադրամի դեոկտոր, պրոֆեսոր Թալիփ Քյուչուքջանի համակարգած հարցումները, որոնք կատարվել են 12 նահանգում 3 հազար 40 հարցվողների շրջանում, ներկայցնում են հետևյալ պատկերը.

Համաձայն հետազոտության` արաբները «հաճույքների և խնջույքների նկատմամբ» թուլություն ունեն, սակայն թուրքերն արաբներին նախընտրում են ամերիկացիներից և եվրոպացիներից: Հարցման մասնակիցների 22.2 տոկոսը արաբների նկատմամբ ունի դրական վերաբերմունք, իսկ 39 տոկոսը` բացասական: Տղամարդկանց 42, կանանց 36 տոկոսը արաբներին բացասաբար են վերաբերվում:

Հարցումների համաձայն` թուրքերի մեծամասնությունը հայերին, հույներին և հրեաներին բացասաբար է վերաբերում. մասնակիցների 73. 9 տոկոսը հայերի վերաբերյալ բացասական համոզմունք ունի: Հարցումները ցույց են տալիս, որ հայերի նկատմամբ դիրքորոշումները դեմոգրաֆիական և սոցիալ-տնտեսական առանձնահատկությունների հետ կապված կարևոր փոփոխություններ չեն կրում:

Մասնակիցների 71.5 տոկոսը հրեաների նկատմամբ ունի բացասական վերաբերմունք, միայն 8.6 տոկոսն է հայտնել, որ հրեաների նկատմամբ դրական վերաբերմունք ունի:

Հույների նկատմամբ մասնակիցների վերաբերմունքն արտահայտվել է հետևյալ տոկոսային հարաբերությամբ`67 տոկոսը դրական է վերաբերվում, 12.3 տոկոսը` բացասական, իսկ 20.5 տոկոսը ակնհայտ վերաբերմունք չունի հույների նկատմամբ:

Կովկասյան թաթարների (ազերի) նկատմամբ հարցվածների 56.1 տոկոսն ունի դրական վերաբերմունք, որի հիմքում ընկած է թուրքերի և կովկասյան թաթարների միջ եղած ազգակացական և լեզվական կապը, ինպես նաև՝ քաղաքական ասպարեզում ունեցած փոխադարձ լավ հարաբերությունները: Հետաքրքրական է, որ 27 տոկոսը պատասխանել է, որ «գաղափար անգամ չունի»:

Համաձայն այս հետազոտության` թուրքերը ԵՄ հանդեպ սառն են, Թուրքիայի Հանրապետությունը նախընտրում են ԵՄ-ից:

Ավելի մանրամասն կարդացեք այստեղ:

«Ռադիկալ», 02.05.2011