Երկուհազարամյա պատմություն ունեցող վանքը կանգնած է կործանման եզրին

Վերին Միջագետքի ամենահին վանքերից մեկը եղող Մորքիրյաքոս վանքը կանգնել է կործանման վտանգի առաջ:

Երուսաղեմից մինչև Հալեպ ձգվող մի մեծ տարածաշրջանի համար հոգևորականներ պատրաստած և նշանավոր պաշտամունքի վայրերից մեկը եղած վանքի երկուհարյուրամյա վաղեմություն ունեցող կոտրված փայտե դուռը փտում է` լքված վիճակում:

Բաթմանի Բեշիրի գավառին ենթակա Այրանջը գյուղում գտնվող երկուհազարամյա Մորքիրյաքոս վանքը թողնված է ճակատագրի քմահաճույքին: Մարդինում ու Միդյաթում գտնվող բազմաթիվ վանքերի և եկեղեցիների մեջ ամենահինը եղող Մարքիրյաքոսը անխնամ վիճակում գտնվելու և անտերության պատճառով կործանման եզրին է:

Բաթմանի Զբոսաշրջության կազմակերպության նախագահ Էմին Բուլութը նշելով, թե աշխարհի ամենահին պաշտամունքի վայրերից մեկը հանդիսացող վանքում նկատվում են զրադաշտական, եզդիական, կռապաշտական, ասորական և հայկական հետքեր, ասաց. «Երկդարյա անցյալ ունեցող վանքի` երկուհարյուրամյա դուռը, որի վրայի փայտե փորագրությունը արվեստի գործ է, ոտնակոխ է արվում, հանգամանք, որը ցավ է պատճառում մեզ: Չենք կարողանում որևէ բացատրություն գտնել այն անտարբերությանը, որը խնդրի հանդեպ ցուցաբերում են համապատասխան մարմինները: Մեզ անհանգստացնում է նաև այն, որ նորաբաց Բաթմանի թանգարանի նկատմամբ որևէ հետաքրքրություն չեն դրսևորել նախարարությունն ու նահանգապետարանը»:

Բուլութը հայտնելով, որ Բաթմանում և շրջակա տարածքներում գտնվող փլատակներից դուրս հանված տասնյակ հնածոներ են ներկայում ցուցադրվում Դիարբեքիրի և Մարդինի թանգարաններում, նշեց, թե արդեն մեկ տարի բացված Բաթմանի թանգարանում ոչ մի նյութ չի ցուցադրվում` մի քանի գերզմանաքարից բացի:

Ջիհան լրատվական գործակալություն

29.12.2010