«Քոն» հեռուստատեսության (Kon TV) Անկարայի ներկայացուցիչ Սինան Բուրհանի պատրաստած «Մայրաքաղաքային օրակարգ» հաղորդմանը մասնակցած Թուրքիայի Արտգործնախարար Ահմեդ Դավութօղլուն հանդես եկավ օրակարգային խնդիրների վերաբերյալ մեկնաբանություններով:
Դավութօղլուն Հայաստանի հետ ստորագրված արձանագրությանն անդրադառնալով` հայտնեց, թե տվյալ արձանագրությունը կյանքի կոչելու դեպքում կնվազի ԱՄՆ-ում Հայոց ցեղասպանությունը ճանաչող երկու բանաձևերը օրակարգ բերելու հարցում առաջապահ դիրքերում եղած հայկական սփյուռքի ազդեցությունը: Դավութօղլուն ասաց. «Արձանագրության` շրջանառության մեջ մտնելու դեպքում սփյուռքի ազդեցությունն ԱՄՆ-ում կչեզոքացվի»: ԱՄՆ-ի Ներկայացուցիչների պալատի օրակարգից հանված հայկական բանաձևին ևս անդրադարձած Դավութօղլուն հետևյալ կերպ ներկայացրեց այն գիշերը, երբ բանաձևը հանվեց օրակարգից. «Ուզում էի Քոնիայում խաղաղ և անվրդով Շեբու Արուզի տոնակատարությունները դիտել, բայց երբ այդ խնդիրն առաջացավ, ստիպված եղա դուրս գալ և զանգահարել ԱՄՆ-ի պետքարտուղար տիկին Քլինթոնին… Բախտ չվիճակվեց հաղորդումը հանգիստ դիտել»:
Ջիհան լրատվական գործակալություն
27.12.2010
Leave a Reply