Հրդեհ հիվանդանոցում

Ստամբուլի Զեյթինբուրնու թաղամասում գտնվող Սուրբ Փրկիչ հայկական հիվանդանոցի ծերանոցի տանիքում բռնկված հրդեհը մեծ նյութական վնասներ է հասցրել:

Ըստ ստացված տեղեկության` Քազլըչեշմե Զաքիրբաշը փողոցում գտնվոող Սուրբ Փրկիչ հայկական հիվանդանոցի ծերանոցի բաժնի տանիքում հրդեհ է բռնկվել, որի պատճառներն առայժմ հայտնի չեն: Հրշեջ ծառայության խմբերի` հրդեհը հանգցնելու ուղղությամբ ծավալած աշխատանքների ընթացքում ծերանոցի բնակիչները տեղափոխվել են մյուս հարկաբաժինները:

Հրդեհը կարճ ժամանակահատվածում հանգցվել է հրշեջ ծառայության կողմից, և կրակը չի հասցրել ծավալվել մյուս հարկերում: Հրդեհի բռնկման պատճառների ուղղությամբ քննությունն ընթացքի մեջ է:

Անադոլու գործակալություն

26.12.2010