Իգդիրի համալսարանում հայոց լեզու և գրականության բաժին բացելու աշխատանքներ

Թուրքիայի կրթության և գիտության աշխատակիցների արհմիության Իգդիրի մասնաճյուղի նախագահ Զեքերիյա Դյուշունջելին հայտնեց, որ Հայոց լեզվի և գրականության բաժին բացելու աշխատանքները ճիշտ չի համարում:

Դյուշունջելին, իր գրավոր պարզաբանման մեջ հիշեցնելով Իգդիրի համալսարանի ռեկտոր, դոկտոր, պրոֆեսոր Իբրահիմ Հաքքը Յըլմազի` համալսարանի կազմում հայոց լեզվի և գրականության բաժին բացելու  վերաբերյալ հնչեցրած կարծիքը, հայտնեց, որ մամուլին տված Յըլմազի հայտարարությունն ընդունել է մեծ զարմանքով և ցավով:

Դյուշունջելին հայտնելով, որ որպես արհմիություն Իգդիրի համալսարանից այլ սպասելիքներ ունի, ասաց. «Մենք կցանկանայինք, որ մեր համալսարանը մեր եղբայր և հարևան Ադրբեջանի համալսարանների հետ տարբեր բնագավառներում համագործակցեր: Գիտենք` ձեր օրոք մինչև օրս Ադրբեջանի և մյուս թյուրքական պետությունների հետ նման աշխատանք չի կատարվել: Ճիշտ է, որ այսօր որպես Հայաստան հայտնի պետության հողերը ոչ վաղ անցյալում եղել են թուրքական հողեր: Իգդիրում ապրում են մարդիկ, ովքեր ստիպված են եղել գաղթել այստեղից: Շրջանի թուրքական մշակույթի հետքերն ի հայտ բերելու համար կցանկանայինք, որ հիմնեք Թուրքական մշակույթի հետազոտության կենտրոն»:

«Անադոլու» գործակալություն

22.12.2010

http://www.haberler.com/igdir-universitesinde-ermeni-dili-ve-edebiyati-2430043-haberi/