Այսօր սպասվում է, որ ԱՄՆ Կոնգրեսի Ներկայացուցիչների պալատի լիագումար նիստի օրակարգ է բերվելու Հայոց ցեղասպանության վերաբերյալ թիվ 252 բանաձևը, ինչի պատճառով պատերազմ է սկսվել Միացյալ Նահագներում գործող հայկական և թուրքական լոբբիների միջև։ Այս մասին է գրում թուրքական Zaman օրաթերթը։
«Այն բանից հետո, երբ հերթական անգամ օրակարգում է հայտնվել Ցեղասպանության բանաձևը, Միացյալ Նահանգներում գործող թուրքական կազմակերպությունները գործի են անցել։ Համատեղ հայտարարությամբ հանդես են եկել Ամերիկայի թուրքական միությունների ֆեդերացիան (TADF) և Ամերիկայի թուրքական միությունների ասամբլեան (ATAA)՝ կոչ անելով թուրք հանրությանն ու թուրքամետ ամերիկացիներին զանգահարել և էլեկտրոնային նամակներ գրել Կոնգրեսի անդամներին և խնդրել դեմ հանդես գալ բանաձևին։ Նման նախաձեռնությամբ հանդես է եկել նաև Ամերիկայի թուրքական կոալիցիան (TCA)՝ իր հերթին թուրք հանրությանը կոչ անելով զանգահարել, նամակ կամ ֆաքս ուղարկել Ներկայացուցիչների պալատի խոսնակ Նենսի Փելոսիին»,– գրում է թուրքական պարբերականը՝ նշելով, որ հայկական լոբբին նույնպես ձեռքերը ծալած չի նստել և ակտիվ աշխատանքներ է իրականացնում Ցեղասպանության բանաձևը Ներկայացուցիչների պալատի լիագումար նիստի օրակարգ բերելու ուղղությամբ։
«Ներկայացուցիչների պալատի աշխատանքների սկսմանը հաշված ժամեր են մնացել, և Միացյալ Նահանգներում գործող հայկական կազմակերպությունները էլեկտրոնային նամակներ են ուղարկում կոնգրեսականներին և զանգահարում նրանց»,– գրում է Zaman–ը։
Tert.am
21.12.10
Leave a Reply