Մահացել է հայագէտ, դոկտոր, պրոֆեսոր Հերման Գոլցը

Մահացել է հայ ժողովրդի բարեկամ, գերմանացի հայագէտ դոկտոր, պրոֆեսոր Հերման Գոլցը Յարգարժան խմբագրութիւն, 

 Բեռլինից Համօ Պետրոսեանի խնդրանքով Ձեզ եմ ուղարկում ներքոյիշեայ մահազդը` խնդրելով այն հրատարակել Ձեր թերթում: Համօ Պետրոսեանը հանգուցեալ Հերման Գոլցի ջերմ բարեկամն է եւ նաեւ անդամն է Փոտսդամի ՙԼեփսիուսի Տուն՚ միութեան վարչութեան: 
Յարգանօք` 
Հայր Սերովբէ 

Դոկտոր, պրոֆեսոր Հերման Գոլց ոչ եւս է 

Գերմանիայի Փոտսդամ քաղաքի ՙԼեփսիուսի Տուն՚ միութեան վարչութիւնը խոր ցաւով տեղեկացնում է, որ 9 Դեկտեմբեր 2010-ին, ծանր հիւանդութիւնից յետոյ, 64 տարեկան հասակում մահացել է գերմանացի յայտնի աստուածաբան, եկեղեցագէտ ու հայագէտ   դոկտոր, պրոֆեսոր Հերման Գոլցը: 

Հայութիւնը եւ ի մասնաւորի գերմանահայութիւնը նրա մահով կորցնում է իր մեծ բարեկամներից մէկին, որը տասնամեակներ շարունակ իր նպաստն ու աջակցութիւնը բերեց հայ ժողովրդի մեծագոյն դատի` Հայոց Ցեղասպանութեան Գերմանիայի մէջ ճանաչման եւ դատապարտման ուղղութեամբ: 

Պրոֆ. Գոլցը հանրութեանը ծանօթ է մանաւանդ հայ ժողովրդի մեծագոյն բարեկամներից մէկի` Վերապատուելի Եօհաննէս Լեփսիուսի գործունէութեան լուսաբանմամբ, նրա արխիւների պահպանմամբ եւ հետազօտութեամբ: Փրոֆ. Գոլցի անկոտրում ջանքերի շնորհիւ Փոտսդամի մէջ վերանորոգուեց այն տունը, որտեղ իր կեանքի վերջին տարիներին ապրել է Լեփսիուսը, եւ այդ տան մէջ բացուեց ՙԼեփսիուսի Տուն՚ միութիւնն ու արխիւային կենտրոնը: Մեծ է նրա դերը նաեւ 2005 թ. Գերմանական Խորհրդարանի Հայոց Ցեղասպանութեան վերաբերեալ ընդունած բանաձեւի մշակման եւ ընդունման գործում: 

Լինելով մեր Եկեղեցու ջերմ բարեկամ՝ Պրոֆ. Գոլցն իր անուրանալի վաստակն ունի գերմանացի ընթերցողներին ու մտաւորականներին Հայաստանեայց Առաքելական Եկեղեցու աստուածաբանութեան, մեր հոգեւոր մշակոյթի գանձերի ծանօթացման գործում: 

Հայաստանն ու Հայ Եկեղեցին բարձր են գնահատել նրա ծառայութիւնները: Պրոֆ. Գոլցը արժանացել է բազմաթիւ պարգեւների ու գնահատանքների: Ի մասնաւորի Ն. Ս. Օ. Տ. Տ. Գարեգին Բ Ամենայն Հայոց Կաթողիկոսը նրան պարգեւատրել է Հայ Եկեղեցու ՙՍուրբ Սահակ-Մեսրոպ՚: շքանշանով: 

Պրոֆ. Հերման Գոլցի մահուան առիթով հասարակական հոգեհանգստի արարողութիւնը տեղի է ունենալու 14 Յունուար 2010-ին Հալլէ քաղաքում: 

Յանուն ՙԼեփսիուսի Տուն՚ միութեան վարչութեան` 

Համօ Պետրոսեան 

Բեռլին

http://www.hyetert.com/yazi3.asp?s=2&Id=771&DilId=1