Ձկնորսական տեսարաններ Գում Գափուում

«Արաս» հրատարակչությունը հրատարակել է Արա Գյուլերի՝ «Գում Գափուի հայ ձկնորսները» վերնագրով ֆոտոռեպորտաժը, որը 1952 թ. հրապարկվել էր «Ժամանակ» հայկական օրաթերթում:

Կան որոշ անուններ, որոնց մասին գրելիս ոչ մի ածականի կարիք չի զգացվում, հենց նման անուններից մեկն էլ Արա Գյուլերն է…

Միայն նրա անունը կարող է լցնել մի բնագավառի ողջ հսկայական դատարկությունը:

Ահա և տվյալ անձի` 1952 թ. հայերենով հրատարակվող «Ժամանակ» օրաթերթում վեց օր շարունակ (մայիսի 21-26) տպագրված «Գում Գափուի հայ ձկնորսները» վերնագրով ֆոտոռեպորտաժը 3 լեզուներով (հայերեն, թուրքերեն և անգլերեն) հրատարակվել է «Արաս» հրատարակչատան կողմից:

«Գում Գափուի հայ ձկնորսները» գիրքը կազմված է Արա Գյուլերի կողմից Գում Գափուում բնակվող հայ ձկնորսների մասին պատրաստված հարցազրույցներից, ինչպես նաև` այն ժամանակ ձկնորսական գյուղ եղած, իսկ այսօր արդեն վաղուց պատմության գիրկն անցած Աջեմդաղը թաղամասում արված լուսանկարներից: Գյուլերը լուսանկարչական ապարատով ներխուժել է Սիրքեջիից մինչև Բաքըրքյոյ ձգվող Քեննեդի պողոտայի (Սահիլյոլու) կառուցման պատճառով անհետացած Աջեմդաղը թաղամասի բնակիչներ Տաճատի, Զարեհի, Գևորգի և այլ բազմաթիվ ձկնորսների կյանք, նրանց հետ միասին ձկնորսության դուրս եկել, նրանց հետ կիսել հիասթափությունները և ուրախությունները:

16.12.10

http://taraf.com.tr/haber/kumkapi-dan-balikci-manzaralari.htm