Բալեարյան կղզիները ճանաչել է Հայոց ցեղասպանությունը

Բալեարյան կղզիների շրջանային խորհրդարանը ճանաչել է Հայոց ցեղասպանությունը։ Այս մասին տեղեկացնում են իսպանական ԶԼՄ-ները։

Լրատվամիջոցների տեղեկացմամբ՝ խորհրդարանի բոլոր կուսակցությունները միաձայն «կողմ» են քվեարկել Հայոց ցեղասպանության վերաբերյալ հռչակագրի ընդունմանը։

«1915-1921թթ. հայ ժողովրդի հետ կատարված դեպքերը համապատասխանում են 1948թ. ՄԱԿ–ի կողմից ընդունված Ցեղասպանության կոնվենցիայի «Ցեղասպանություն» բնորոշմանը»,– ասվում է հռչակագրում։

Բալեարյան կղզիների շրջանային խորհրդարանն իր ընդունած որոշման մասին պաշտոնապես տեղեկացրել է Իսպանիայում Հայաստանի դեսպանատանը։

Բալեարյան կղզիները փոքր կղզեխումբ է, որը գտնվում է Միջերկրական ծովում։ Կղզիները մտնում են Իսպանիայի կազմի մեջ և ինքնավար մարզերի կարգավիճակ ունեն: Կենտրոնը և ամենամեծ քաղաքը Պալմա դե Մայորկան է:
 

Tert.am

17.12.10