Շարունակում է մեղադրել Թուրքիային

Ըստ Սարգսյանի` «Ցեղասպանությունը թաքցնելուն ուղղված ջանքերը հավասարազոր են մի նոր հանցագործություն գործելուն»:

Հայաստանի Հանրապետության նախագահ Սերժ Սարգսյանը, առանց երկրի անունը հիշատակելու` Թուրքիային մեղադրելով պատմությունը խեղաթյուրելու և միջազգային հանրությանը դրանում համոզելու ջանքերի մեջ, ասաց. «Ցեղասպանությունը թաքցնելուն ուղղված ջանքերը հավասարազոր են մի նոր հանցագործություն գործելուն»:

News.am լրատվական կայքէջում հրապարակված տեղեկության համաձայն` Երևանում կազմակերպված «Ցեղասպանության» թեմայով միջազգային գիտաժողովում ելույթ ունեցած Սարգսյանը մեղադրեց Թուրքիային` առանց երկրի անունը հիշատակելու:

Հայաստանի Հանրապետության նախագահը, պաշտպանելով այն գաղափարը, թե որոշ երկրներ քաղաքական կոնյուկտուրայի և միջազգային շահերի պատճառով չեն համարձակվում ճանաչել Հայոց ցեղասպանությունը, նաև հետևյալն ընդգծեց իր ելույթում. «Միջազգային հանրությունը պետք է կամք ցուցաբերի ցեղասպանության ճանաչման ու դատապարտման հարցում:

Սակայն ներկայում կանգնած ենք պատմության խեղաթյուրմանը և արհեստական պատմություն գրելուն ուղղված ջանքերի փաստի առաջ: Որոշ ռեժիմներ ձգտում են ապացուցել, թե ցեղասպանությունն իրագործվել է իրենց նկատմամբ: Կարծում են, թե կարողանալու են իրենց այդ շինծու պատմությունը հրամցնել համաշխարհային հանրություններին: Ցեղասպանությունը թաքցնելուն ուղղված ջանքերը հավասարազոր են մի նոր հանցագործություն գործելուն»:

Սարգսյանը շեշտելով, թե ցեղասպանությունը քաղաքական անհանդուրժողականություն է հարուցում որոշ հասարակություններում, հայտարարեց. «Հայոց ցեղասպանության հարյուրամյա տարելիցի նախօրյակին այս խնդիրը օրակարգում պահելով` շարունակելու ենք ջանքեր գործադրել նմանատիպ ոճրագործությունները կանխելու ուղղությամբ»:

Դողան լրատվական գործակալություն

15.12.2010