Հայոց ցեղասպանությունը չի ավարտվել 1915թ., այն դեռ շարունակվում է, քանի որ Թուրքիան չի ճանաչել եւ ներողություն չի խնդրել իր հանցագործությունների համար, շարունակվում է հայ ժողովրդի մշակութային ժառանգության ոչնչացումն այդ երկրում, Թուրքիան խտրական քաղաքականություն է վարում ազգային փոքրամասնությունների նկատմամբ իր տարածքում: Այդ մասին «Ցեղասպանություն, կանխում, դատապարտում եւ հետեւանքներ» միջազգային գիտաժողովում ունեցած իր ելույթում հայտարարել է հայազգի ֆրանսիացի գիտնական, ԱՄՆ-ում դասավանդող Տիգրան Կույումջյանը:
«Արդեն Հայոց ցեղասպանությունից հետո ժամանակակից Թուրքիայի հիմնադիրներն օրենք ընդունեցին, ըստ որի արգելվում էր հայերին վերադառնալ իրենց պատմական հայրենիք, ոչնչացրին 2 հազարից ավելի հայկական եկեղեցի ու նույնքան էլ դպրոց, 400 հայկական վանք, այդկերպ ժամանակակից Թուրքիան իր ստորագրությունը դրեց Հայոց ցեղասպանության գործընթացի վրա: Ընդհանուր առմամբ անկախ միջազգային փորձագետները Օսմանյան կայսրությունում հայերի ուենցվածքը գնահատում են 100 մլրդ դոլար»,- ասել է գիտնականը:
Նա ընդգծել է, թե Հայոց ցեղասպանությունը դեռ շարունակում է, քանի որ Թուրքիայում իշխանությունը չի փոխվել Օսմանյան կայսրությունից սկսած:
Դեկտեմբեր 15, 2010
Leave a Reply