Անհրաժեշտ է նվազագույնի հասցնել ցեղասպանության սպառնալիքը կովկասյան տարածաշրջանում, հատկապես Լեռնային Ղարաբաղի հանդեպ, քանի որ նման սպառնալիքը շատ իրական է Թուրքիայի գործընկեր Ադրբեջանի կողմից: Այդ մասին ցեղասպանության հարցերին նվիրված միջազգային խորհրդաժողովին հայտարարել է արգենտինացի գիտնական Լեանդրո Դեսպուին:
Դեսպուին նկատել է, որ ՄԱԿ-ում Հայոց ցեղասպանության ճանաչումը միջազգային մեծ արձագանք գտավ, դրանից հետո փոխվեցին սփյուռք-հայրենիք, սփյուռք-Թուրքիա, սփյուռք-աշխարհ հարաբերությունները: Դրան նպաստեցին նաեւ շատ երկրների կողմից Հայոց ցեղասպանության ճանաչմանը, ինչը պայմանավորված է հայկական սփյուռքի հետեւողական պայքարով՝ ցեղասպանության միջազգային ճանաչման հարցում:
Դեսպուիի խոսքով՝ Հայոց ցեղասպանության ճանաչումը բերեց նրան, որ այդ հարցը նախապայման դարձավ Թուրքիայի` ԵՄ-ին անդամակցության հարցում: «Աշխարհը պարտական է Հայաստանին, որ ճանաչելով Հայոց ցեղասպանությունը, նպաստել է արդարության վերականգնմանը»:
Սակայն, ինչպես ցավով նշեց գիտնականը, շատ գերտերությունների փորձերը` պատժել Հայոց ցեղասպանության կազմակերպիչներին, հաջողություն չեն ունեցել, նաեւ կյանքի չի կոչվել Սեւրի պայմանագիրը, որը միտված էր արդարության վերականգնմանը:
Դեկտեմբեր 14, 2010 | 13:12
Leave a Reply