Հայաստանը կարող է դիմել միջազգային քրեական դատարան՝ Թուրքիայի դեմ հայցով: Այդ մասին «Ցեղասպանության հանցագործությունը» միջազգային գիտաժողովի ընթացքում հայտարարել է գերմանացի գիտնական Թեսսա Հոֆմանը:
Նա հայտնել է, որ Հայաստան կատարած այցի եւ երկրի ղեկավարության հետ հանդիպման ժամանակ տրիբունալի ղեկավար Լուիս Մորենո-Օկամպոն պատրաստակամություն է հայտնել աջակցել Հայաստանին` նման հայցի դեպքում:
Հոֆմանն ընդգծել է, թե միջազգային վարչակազմերը չեն կարող ընդդիմանալ Հայոց ցեղասպանության ճանաչման հարցում, քանի որ դա ժամանակի պահանջն է:
Նշենք, որ գիտաժողովին մասնակցում են 11 եվրոպական երկրների, նաեւ՝ ԱՄՆ-ի, Կանադայի, Ավստրալիայի, Լիբանանի, Եգիպտոսի, Իսրայելի եւ Ճապոնիայի ներկայացուցիչները:
Դեկտեմբեր 14, 2010 | 17:01
Leave a Reply