Հայն այն ցեղապաշտ ցուցապաստառի փոխարեն թուրքական թատրոնն է հիմնել Բուրսայում

Բժիշկ Սարգիս Ադամ

 

Եթե մի երկրի ներքին գործերի նախարար կարողանում է հայհոյել` ասելով «ՀԱՅԻ ԾՆՈՒՆԴ», և կարողանում է Թուրքիայի ազգային մեծ ժողովում նշանակվել փոխնախագահի պաշտոնում, եթե առօրյա կյանքում միայն ֆուտբոլի վրա կենտրոնացած, տանը և դպրոցում հային վատ կերպարով ներկայացնող մտայնությամբ ֆուտբոլի ֆանատը կարողանում է ֆուտբոլային հանդիպման ժամանակ խանդավառության պահին ՑԵՂԱՊԱՇՏՈՒԹՅԱՄԲ ներծծված մի տարաբախտ ցուցապաստառ կախել, ապա նշանակում է, որ այստեղ ինչ-որ անառողջ մի բան կա, որը պետք է քննարկվի և քննադատվի: Ըստ էության՝ պետք է այդ ցուցապաստառը կախածների հետ մեկտեղ քննադատել ու մեղադրել նաև միջնադարյան անգրագիտության արդյունք հանդիսացող և դարին ոչ համահունչ այդ մտայնությունը ու կանխել վերջինիս տարածումը:

Արդյոք եթե այդ ֆանատ ֆուտբոլասերն իմանար, որ Բոսֆորի մարգարիտը եղող այնպիսի հոյակապ ստեղծագործություններ, ինչպիսիք են Դոլմաբահչեն ու Բեյլերբեյին, կառուցվել են ԲԱԼՅԱՆՆԵՐԻ կողմից,

Եթե իմանար, որ լատինական այբուբենը թուրքականին համապատասխանեցնելով` թուրքական այբուբենի ստեղծման մեջ մեծ նպաստ ունեցած, Թուրքական լեզվագիտական ընկերության առաջին գլխավոր քարտուղարը և գլխավոր մասնագետը, թուրքական հանրագիտարանի գլխավոր խմբագիրը հայ ՀԱԿՈԲ ՄԱՐԹԱՅԱՆ ԴԻԼԱՉԱՐՆ  է,

Եթե իմանար, որ Օսմանյան բանկի տնօրեն և Կարմիր մահիկի նախագահ, Աթաթուրքի` դեպի Սամսուն կատարած ուղևորության ժամանակ Բանդըրմա շոգենավում մահափորձի կանխողը եղել է Աֆիոնից ընտրված պատգամավոր հայ ՊԵՐՃ ԹՅՈՒՐՔԵՐ ՔԵՐԵՍԹԵՋԻՅԱՆԸ,

Եթե իմանար, որ Թուրքիայի պետական օրհներգի գործիքավորումը կատարվել է հայ երգահան ԷԴԳԱՐ ՄԱՆԱՍԻ կողմից,

Եթե իմանար, որ թուրքական երաժշտության մեջ համաշխարհային համբավ ունեցող «Համբարձումյան նոտաները» ներմուծելով` թուրքական երաժշտության բազմաթիվ ստեղծագործությունների անհետ կորչելը կանխած անձը եղել է հայ ՀԱՄԲԱՐՁՈՒՄ ԼԻՄՈՆՋԻՅԱՆԸ,

Եթե իմանար, որ Աթաթուրքի ստորագրության նմուշը ստեղծողը եղել է համաշխարհային ճանաչում ունեցող կալիգրաֆ, Թուրքիայի Հանրապետության հանգուցյալ վարչապետներից Բյուլենթ Էջևիթի հորեղբայր, պրոֆեսոր ՀԱԿՈԲ ՎԱՀԱՆ ՉԵՐՉԻՅԱՆԸ, որը հայ էր,

Եթե իմանար, որ 1857 թ. Ստամբուլի Հասքյոյ թաղամասում օսմանյան դրամատիկ թատրոնի հիմնադիրը եղել է հայ ՄԱՐՏԻՐՈՍ ՄԻՆԱՔԱՅԱՆԸ,

Եթե իմանար, որ օսմանյան օպերայի հիմնադիրն է եղել հայ ականավոր երգահան ՏԻԳՐԱՆ ՉՈՒԽԱՋՅԱՆԸ,

Եվ եթե այն ֆանատների խումբն իմանար, որ 1860 թ. Բուրսայում օսմանյան թատրոն է հիմնել թուրքական թատրոնը Արևմուտքի առաջ բացած հայ ՀԱԿՈԲ ՎԱՐԴՈՎՅԱՆԸ (Գյուլլյու Ագոփը), իսկ ԲԻՄԵՆ ՍԵՆԸ, որի երգերը տարիներ շարունակ լսում են իրենք, եղել է ծագումով բուրսացի հայ ԲԻՄԵՆ ՏԵՐ-ՂԱԶԱՐՅԱՆԸ, այն ցեղապաշտությամբ լի, տարաբախտ ցուցապաստառի պես ցուցապաստառ կկախե՞ր արդյոք:

ID:769
Tarih:10.12.2010

http://www.hyetert.com/yazi3.asp?s=2&Id=769&DilId=1

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

December 2010
M T W T F S S
 12345
6789101112
13141516171819
20212223242526
2728293031  

Արխիւ