Անցյալ շաբաթ պաշտոնական հանդիպումներով Ֆրանսիայի մայրաքաղաք Փարիզ մեկնած Ամենայն հայոց կաթողիկոս Գարեգին 2-րդի ձեռամբ Նոյեմբերի 28-ին` կիրակի օրը, Փարիզի Սուրբ Հովհաննես եկեղեցում պատարագ մատուցվեց: Մատուցված սուրբ պատարագից հետո Ֆրանսիայի հայ համայնքի հետ հանդիպումներ ունեցած Ամենայն հայոց կաթողիկոս Գարեգին 2-րդը հանդիպեց նաև նույն ժամանակ Փարիզում գտնվող Սուրբ Փրկիչ հիվանդանոցի վաքըֆի նախագահ Պետրոս Շիրինօղլուի հետ:
Ինչպես տեղեկացնում է «Ժամանակ» թերթը, հանդիպման օրակարգում է եղել պատրիարքի ընտրությունը. Գարգեին 2-րդը հայտնելով, որ հետևում է թեմայի վերաբերյալ զարգացումներին, ասել է, որ հատուկ հետաքրքրություն ցուցաբերած գործընթացում ընտրություն կատարելը սկզբունքայնորեն պարտադիր է, անհրաժեշտ է, որ պատրիարքի աթոռը երկար ժամանակ թափուր չմնա:
Պետրոս Շիրինօղլուն ցուցաբերած հետաքրքրության համար Վեհափառին շնորհակալություն հայտնեց, այնուհետև տեղեկացնելով, որ Թուրքիայի հայերի խղճի և մտքի ազատության ու ծիսական արարողություն կատարելու իրավունքները օրենքով երաշխիքի տակ են վերցված, հայտնեց, որ սովորույթներին ու ավանդույթներին համապատասխան ընտրություն կատարելու հարցում որևէ սահմանափակում կամ խոչընդոտ չկա: Շիրինօղլուն, ով պնդեց, թե համայնքում գոյություն ունեցող տարակարծությունը խոչընդոտում է ընտրություն կատարելուն, ասաց, որ ընտրության վերաբերյալ անհրաժեշտ է հարցնել ոչ միայն հոգևորականների, այլև՝ քաղաքացիական անձանց տեսակետները:
«Ակօս», թիվ 765
04.12.2010
Leave a Reply