«Հայերը կոտորվել են մեր ձեռքով». խոստովանում է Դիրաբեքիրի ԱԱՊ նախագահը

1915թ. երիտթուրքերը հայերին կոտորելու համար որպես գործիք՝ օգտագործել են քրդերին։ Այս մասին, թուրքական Sabah օրաթերթի փոխանցմամբ, Ստամբուլում հայտարարել է Դիարբեքիրի առևտրաարդյունաբերական պալատի (ԱԱՊ) նախագահ, ազգությամբ քուրդ Գալիփ Էնսարիօղլուն։

«Որպես հանրություն՝ մենք էլ ունենք մեր մեղքի բաժինը։ Երբ իթթիհադականները ցանկանում էին ձևավորել ազգային պետություն, մենք՝ քրդերս, գործիք դարձանք նրանց ձեռքին։ Այդ ժամանակահատվածում այս հողերի վրա ապրող բնակչության 25%–ը ոչ մահմեդականներ էին։ Հայերին կոտորեցին մեր ձեռքով»,– հայտարարել է Էնսարիօղլուն։

Անդրադառնալով քրդական հարցին՝ Դիրաբեքիրի ԱԱՊ նախագահն ընդգծել է, որ այդ հարցը «այլևս ոչ միայն քրդերինն է, այլ բոլոր նրանցը, ովքեր ապրում են Թուրքիայում»։

Tert.am

06.12.10