Ստամբուլի քաղաքապետարանի խորհուրդը չի հաստատել Ստամբուլի հայկական կաթոլիկ «Սուրբ Հակոբ» հիմնադրամի կողմից ներկայացված 150 մլն դոլար կազմող ներդրման նախագիծը:
Թուրքական Aksam-ի փոխանցմամբ՝ Եվրոմիության պահանջներին համապատասխան փոփոխված թուրքական օրենքները այսուհետ թույլ են տալիս ազգային փոքրամասնությունների հիմնադրամներին ձեռք բերել անշարժ գույք եւ տնօրինել դրանք, որից էլ սկսել են օգտվել մի շարք հիմնադրամներ:
Այդ հիմնադրամներից մեկն էլ եղավ հայկական կաթոլիկ «Սուրբ Հակոբ» հիմնադրամը, որը դիմել էր Ստամբուլի քաղաքապետարան՝ Ստամբուլի կենտրոնում՝ Թաքսիմում 48 հազար քմ հողատարածքի վրա կառուցել առեւտրի եւ մշակույթի կենտրոն։
Ստամբուլի քաղաքապետարանը մերժել է հիշյալ նախագիծը՝ պատճառաբանելով, թե հիշյալ հատվածում հնարավոր է կառուցել միայն 17 հազար քմ տարածքով առեւտրի կենտրոն, իսկ հայկական հիմնադրամը ներկայացրել է 170 տոկոս ավել տարածքի նախագիծ։
Դեկտեմբեր 06, 2010
Leave a Reply