«Ստամբուլը 2010 թ. Եվրոպայի մշակութային մայրաքաղաք» գործակալության աջակցությամբ կազմակերպված «Երեք երգչախմբի կողմից՝ երկու բազմաձայն համերգ» նախագծի շրջանակներում «Մի երեկո՝ երաժշտության թևերին» խորագրով համերգը տեղի է ունենալու դեկտեմբերի 3-ին:
Համաձայն «Ստամբուլը 2010 թ. Եվրոպայի մշակութային մայրաքաղաք» գործակալության` Ստամբուլի համալսարանի Մաչքա Մուսթաֆա Քեմալ Գ. ամֆիթատրոնում կայանալիք համերգում Ստամբուլի հայկական համայնքի Թաքսիմի ՙԼուսավորիչ՚, Քադիքյոյի ՙՍուրբ Թագավոր՚ և Ֆերիքյոյի ՙՎարդանանց՚ երգչախմբերը երաժշտասերներին են ներկայացնելու Ստամբուլի հայ կոմպոզիտորների ստեղծագործություններն ու ժողովրդական երգերի եղանակները:
Իսկ մահվան 75-րդ տարելիցի պատճառով ողջ աշխարհում տարբեր երաժշտական միջոցառումների ժամանակ հիշատակված հայտնի կոմպոզիտոր և երաժշտագետ Կոմիտասի երգացանկում տեղ են գտել արվեստագետի այնպիսի դասական ստեղծագործություններ, ինչպիսիք են «Գարուն», «Չինար ես», «Ծիրանի ծառ», «Կռունկ» և «Անտունի» երգերը:
Համերգի երկրորդ մասում բեմ է դուրս գալու հայ համայնքի ամենահին՝ ՙԼուսավորիչ՚ երգչախումբը, որը գործում է 1929 թ. սկսած: Դիրիժոր Հակոբ Մամիկոնյանի գլխավորությամբ 35 հոգուց բաղկացած երգչախումբը կատարելու է հայերեն, լատիներեն, իտալերեն և անգլերեն ստեղծագործություններ:
Ծրագրում տեղ են գտել Բախի, Մոցարտի, Վերդիի, Կոմիտասի, Պարթևյանի, Հովհաննիսյանի նման հայտնի կոմպոզիտորների ստեղծագործությունները: Երգչախմբին նվագակցելու է դաշնակահար Շանթ Օզբյուլբյուլը:
«Երեք երգչախմբի կողմից՝ երկու բազմաձայն համերգից» երկրորդը տեղի է ունենալու դեկտեմբերի 19-ին:
«Միլլիյեթ», 02.12.2010
Leave a Reply