Արա Գյուլերն ինքը կատարեց իր անունը կրող պողոտայի բացումը

Ֆոտոլրագրող Արա Գյուլերը, ում անունով է կոչվել Գիրեսունի պողոտաներից մեկը, ասաց. «Հայրիկիս հայրենիք եկել եմ հինգ անգամ, շատ լավ զգացում է բացել սեփական անունդ կրող պողոտան»:

 Շապին Գարահիսարի քաղաքապետարանի խորհրդի որոշմամբ գավառի պողոտաներից մեկը անվանվել է «Արա Գյուլեր»: Գավառ եկած վարպետ լուսանկարիչ Գյուլերը մասնակցեց իր անունը կրող պողոտայի բացման արարողությանը:

Գավառի բնակչության կրթության կենտրոնում ներկայացվեց Արա Գյուլերի կյանքի մասին պատմող և նրա լուսանկարներից կազմված սլայդ-շոու, որից հետո կարճ ելույթով հանդես եկած Արա Գյուլերն ասաց. «Ահա սա է իմ աշխատանքը: Ես ֆոտոլրագրող եմ, դրա պատճառով էլ ձեզ հետ կիսում եմ իմ նկարած նկարները»:

Գյուլերը, ով ավելի ուշ այցելեց Թուրքիայի  Բարեգործական միության Շապին Գարահիսարի մասնաճյուղ, իր «Ստամբուլն եմ լսում 1950-2010» խորագրով լուսանկարների ալբոմը ստորագրելով՝ նվիրեց փոխնահանգապետ Օսման Դեմիրին, կայմակամ Ունալ Քոչին, քաղաքապետ Շահին Յըլանջըին, Բնակչության կրթության կենտրոնի տնօրեն Սաբրի Չամջին և Բարեգործական միության Շապին Գարահիսարի մասնաճյուղի նախագահ Այլա Դեմիրերին:

Գյուլերն այս այցելությունից հետո մասնակցեց իր անունը կրող պողոտայի բացման արարողությանը:

Արարողության ժամանակ ելույթ ունեցած Շապին Գարահիսարի քաղաքապետ Շահին Յըլանջըն ասաց. «Այս ընտանիքն այստեղից գաղթել է 1910-ական թթ.: Ահա այս ընտանիքի անդամ հանդիսացող աշխարհահռչակ լուսանկարիչ, մեր համաքաղաքացի Արա Գյուլերի անունով անվանակոչելով այս պողոտան` ապագա սերունդներին ժառանգություն ենք թողնում»:

Յըլանջըն  ասաց, որ Շապին Գարահիսարը մշակութային կենտրոն է. «Մեր գավառից բազմաթիվ արվեստագետներ և դաստիարակներ են դուրս եկել` Արա Գյուլեր, Իդիլ Բիրեթ, Հյուսեին Հյունսու Թեքըշըք: Բացի այդ՝ խորհուրդի որոշմամբ Իդիլ Բիրեթի անունով անվանակոչեցինք մի փողոց, որի բացումը կատարելու ենք առաջիկայում»:

Այստեղ մամուլի ներկայացուցիչների հարցերին պատասխանելով` Գյուլերը, նշեց, որ շատ տարբեր զգացում ունի, այնուհետև ասաց հետևյալը. «Հայրիկիս հայրենիք եկել եմ հինգ անգամ, շատ լավ զգացում է բացել սեփական անունդ կրող պողոտան: Ես առաջին անգամ ընկերոջիցս` Ազիզ Նեսինից եմ իմացել, որ շապինգարահիսարցի եմ: Մենք հարևան գյուղերից ենք»:

Ելույթից հետո տեղի ունեցավ պողոտայի բացումը:

Ավելի ուշ Արա Գյուլերը գնաց հայրական գյուղ` Յայջը: Այստեղ գյուղացիների հետ զրուցելով` Գյուլերը օգտվեց գյուղացիների հյուրասիրությունից:

Գյուլերը, լրագրողներին լուսանկարելուց հետո, ավելի ուշ այցելեց Ազիզ Նեսինի գյուղ` Օջաքթաշ:

Այցելության ընթացքում ռազմական թղթակից և փաստագրական ֆիլմերի պրոդյուսեր Ջոշքուն Արալը Արա Գյուլերին միայնակ չթողեց:

30.11.2010

http://www.ntvmsnbc.com/id/25155610/