Պատրիարքի ընտրության շուրջ քննարկումներ հայ համայնքում

Հայ համայնքի անդամները, որոնք ընդվզել են, որ հիվանդ հայ պատրիարք Մեսրոպ 2-րդ Մութաֆյանի փոխարեն ընտրություն չի կատարվում, հինգ հազար ստորագրությամբ պահանջեցին վերականգնել իրենց ընտրության իրավունքները: Խումբը, որն իրեն տվել է «Մենք ուզում ենք ընտրել մեր պատրիարքին նախաձեռնություն» անվանումը, ասաց. «Մեր նպատակն է վերացնել այն խոչընդոտները, որոնք առաջացել են հայ համայնքի` ընտրությունների միջոցով հոգևոր առաջնորդ ունենալու հարցում»:

 «Մենք ուզում ենք ընտրել մեր պատրիարքին» նախաձեռնող խումբը, երբ պատրիարք Մեսրոպ 2-րդ Մութաֆյանը հիվանդացավ, նոր պատրիարք ընտրելու համար դիմեց կառավարությանը, սակայն քանի որ գրանցում կա առ այն, որ պատրիարքը ղեկավարում է ցմահ, դիմումը մերժվել է, որովհետև Մութաֆյանը ողջ է: Դրա փոխարեն պատասխանեցին, որ պատրաիրքարանի մարմինները կարող են ընտրել պատրիարքի փոխանորդ: Սրա պատճառով համայնքը բաժանվել է երկու մասի:

Պատրիարք ընտրել ցանկացողների խումբը, հավաքվելով «Ջեզայիր» ռեստորանում, մամլո ասուլիս կազմակերպեց: Խմբի անունից հայտարարություն կատարեցին Հարութ Օզերը, Տիգրան Ալթունը, Մարքար Եսայանը, Թաթյոս Բեբեքը, Կարո Փայլան և Նշան Քարան: Հարութ Օզերը քննադատեց, որ իրենց զրկել են պատրիարք ընտրելու իրավունքից: Օզերն ասելով, որ աշխարհում միակ եկեղեցին, որտեղ կրոնական առաջնորդն ընտրվում է ձայների մեծամասնությամբ, եղել է հայկական եկեղեցին, շեշտեց, որ կառավարության պատասխան գրությունից հետո Հայոց պատրիարքարանի հոգևոր խորհրդի կողմից որպես պատրիարքի փոխանորդ արքեպիսկոպոս Արամ Աթեշյանի ընտրությունը  ձայնի իրավունքից զրկելու նշանակություն ունի: Օզերը հիշեցնելով, որ Աթեշյանն ասել է, թե մինչև պատրիարք Մեսրոպ 2-րդ Մութաֆյանի մահը ընտրություն չի լինելու, ասաց հետևյալը. «Հայ համայնքին զրկել են իր կամքով հոգևոր առաջնորդ ընտրելու դարավոր իրավունքից»:

 Իսկ ժողովի ժամանակ ելույթ ունեցած Թաթյոս Բեբեքը տեղեկացրեց, որ «Մենք ուզում ենք ընտրել մեր պատրիարքին» նախաձեռնող խումբը իր շարքերում հայ համայնքից 5 հազար 359 մարդ ունի: Բեբեքն ասաց, որ իրենց նպատակն էր ներքին  զարգացումներով  հասնել հարցի լուծմանը, սակայն չհաջողեցին, որովհետև Արամ Աթեշյանը չի ընդունել իրենց հետ հանդիպելու առաջարկը: «Թարաֆ» թերթի  աշխատակից Մարգար Եսայանն էլ հայտնեց, որ կառավարության կողմից ներկայիս պատրիարքի փոխանորդի ընտրությունը մատնանշում է, որ այս իրավիճակը շատ ավելի բացահայտ իրավական խախտում է:

 «Մենք ուզում ենք ընտրել մեր պատրիարքին» նախաձեռնող խումբը, վարչապետ Ռեջեփ Թայիփ Էրդողանին ուղարկվելիք խնդրագրով պատմելու է հայ համայնքի անհանգստության մասին: Նախաձեռնության ստորագրահավաքի տեքստում (ստորագրաղների թիվը հասել է 5 հազար 359 հոգու),  ասված է. «Ստեղծելով «պատրարքի փոխանորդ» տիտղոսը, որը տեղ չի ունեցել հայ եկեղեցու ավանդույթների մեջ, մեր ձեռքից վերցրել են մեր ընտրության իրավունքը: Ժողովրդավարական, աշխարհիկ և իրավական պետության մեջ միջամտում են հայ համայնքի` անցյալից եկած ամենակարևոր իրավունքներից մեկի` պատրիարք ընտրելու իրավունքին. այդ իրավունքը վերացնող այսպիսի կարգը ընդունելի չէ»: 

 «Սթարգազեթե», 1.12.2010

«Ջիհան» լրատվական գործակալություն