Ցեղասպանության հարցում տարաձայնություն` Թուրքիա-ԵՄ խառը խորհրդարանական հանձնաժողովի նիստում

 Ըստ ստացված տեղեկության` Թուրքիա-ԵՄ խառը խորհրդարանական հանձնաժողովի նիստում, որը կայացել է Բրյուսելում, չեն կարողացել համաձայնության գալ «Ցեղապաշտության դեմ պայքարի և օտարերկրացիների հանդեպ թշնամության» վերաբերյալ մշակված նախագծի շուրջ զեկուցման հարցում: Տեղեկության մեջ նշվում է, թե անգլիացի սոցիալիստ Էրլին Մըքքարթիի և Թուրքիայի Ժողովրդահանրապետական կուսակցության անդամ Շյուրքյու Էլեքդաղի միջև, ովքեր համատեղ են պատրաստել Խառը խորհրդարանական հանձնաժողովի տեսակետն արտացոլող և փաստաթղթային բնույթ կրող սույն զեկուցումը, տեսակետների անհամաձայնություն է եղել վերոհիշյալ տեսքտում «ցեղասպանության» թեմայի ընդգրկման առնչությամբ:

ԵՄ-ից ստացված լուրի համաձայն` հոկտեմբերի 26-ին և 27-ին Բրյուսելում կայացած Թուրքիա-ԵՄ խառը խորհրդարանական հանձնաժողովի նիստում չեն կարողացել համաձայնության գալ` «Ցեղապաշտության դեմ պայքարի և օտարերկրացիների հանդեպ թշնամության» վերաբերյալ մշակված նախագծի շուրջ զեկուցման հարցում:

Տեղեկության մեջ, որում արձանագրվում է, թե զեկուցման համահեղինակներ Էրլին Մըքքարթիի և Շյուրքյու Էլեքդաղի միջև տարաձայնություն է եղել` «ցեղասպանության» թեման տեսքտի մեջ ընդգրկելու հարցում, և հիշեցվում է, որ ըստ 1948 թ. ՄԱԿ-ի կողմից ընդունված «Ցեղասպանության դեմ պայքարի պայմանագրի»` որպեսզի որևէ իրադարձություն սահմանվի որպես «ցեղասպանություն», ահնրաժեշտ է, որ դա որոշի որևէ միջազգային իրավասու դատարան, նշվում է նաև հետևյալը. «Ցեղասպանության ժխտումը քրեականացնող ԵՄ պայմանագիրը օրենքի ուժ կունենա նոյեմբերից»

«Իսկ ԵՄ-ի կողմից 2008 թ. փետրվարին ընդունված շրջանակային պայմանագրի համաձայն` այս հարցում կարող են որոշումներ կայացնել կա’մ միջազգային, կա’մ էլ ազգային դատարանները, ավելի պարզ ասած` ԵՄ-ի անդամ երկրների դատարանները: Ըստ ԵՄ-ի պայմանագրի` ցեղասպանությունը ժխտողները կդատապարտվեն մեկ տարվա ազատազրկման»:

ԵՄ-ից ստացված լուրի համաձայն` Թուրքիա-ԵՄ խառը խորհրդարանական հանձնաժողովի թուրքական թևի անդամները ցանկացել են, որպեսզի զեկուցման մեջ հղում կատարվի Ֆրանսիայի ընդունած որոշմանը. «Ֆրանսիան մի որոշում է ընդունել, որը պահանջում է, որպեսզի ցեղասպանության հարցում որոշում կայացնի միջազգային դատարանը: Այս խնդրում Ֆրանսիայի որոշմանը հղում անելու հարցում տարաձայնություն առաջացավ Թուրքիա-ԵՄ խառը խորհրդարանական հանձնաժողովի թուրքական ու եվրոպական թևերի անդամների միջև: Էրլին Մըքքարթին համաձայն չէ, որ զեկուցման տեքստի մեջ ընդգրկվի Ֆրանսիայի` ցեղասպանության հարցում կայացրած որոշումը»:

Վերոհիշյալ տեղեկության մեջ հաղորդվում է նաև, որ զեկուցման վերաբերյալ քննարկումները կշարունակվեն Թուրքիա-ԵՄ խառը խորհրդարանական հանձնաժողովի առաջիկա նիստերում:

milliyet.com.tr
29.10.2010