Դերսիմի հայերը հիմնեցին իրենց միությունը

2010 թ. հուլիսի 29-ից օգոստոսի 1-ը կազմակերպված Մնձուրիի մշակույթի և բնության 10-րդ փառատոնի ժամանակ Դերսիմի կենտրոնում գտնվող Սանաթ փողոցում բացված տաղավարների շարքում տեղ էր գտել նաև Միհրան Փրկիչ Գյուլթեքինի տաղավարը, ով պատրաստվում էր ստեղծել Դերսիմահայերի մությունը: Դերսիմցի հայերը պատմության մեջ առաջին անգամ այսօր միություն ստեղծելով` օրինականացրին ինքնակազմակերպվելու իրենց փորձերը: Դերսիմի հայերի հավատքի և սոցիալական աջակցության միությունը, չնայած դերսիմցի հայերի վերապրած դառնություններին, սկսել է աշխատանքներ ծավալել, որպեսզի նրանք իմանան իրենց ինքնության մասին և շարունակեն հարստացնել այն: Միությունը պաշտպանում է Թուրքիայի ժողովրուրդների համատեղ ապրելու գաղափարը:

Միությունն իր առաքելությունն է համարում նաև ուշադրություն հրավիրել ժողովուրդների մշակութային և կրոնական արժեքների պահպանումն ապահովելու ուղղությամբ քայլեր ձեռնարկելու կարևորության վրա: Հոկտեմբերի 25-ին պաշտոնապես հայտարարվեց Միհրան Փրկիչ Գյուլթեքինից, Հայդար Չոլաքից, Քենան Քարագյոզից, Ջեմիլ Փոլաթից, Ումութ Դեվլեթլիից, Էրդալ Ջևիզից, Էյուփ Սուլթան Դեմիրչիվիից կազմված ղեկավար խորհրդի և Դերսիմի հայերի հավատքի և սոցիալական աջակցության միության հիմնադրման մասին:

Կապ հաստատելու համար  Միհրան Փրկիչ Գյուլթեքինին զանգահարել հետևյալ հեռախոսահամարով` 0537-709-37-98:

 Մուրադ Քյոյլյու

«Յեշիլ» օրաթերթ

26.10.10