Կալիֆորնայում գտնվող «Համաշխարհային ժառանգության հիմնադրամ»-ը ներկայացրել է վտանգի տակ գտնվող մշակույթային արժեքները, որոնց մեջ է հայտնվել Թուրքիայի տարածքում գտնվող հայկական պատմական Անի քաղաքը։
Թուրքական Radikal-ի փոխանցմամբ՝ «Համաշխարհային ժառանգության հիմնադրամ»-ը իր «Պահպանել մեր կորցրած ժառանգությունը» անունով զեկույցի մեջ ընդգրկած 12 հուշարձանա-մշակույթային կենտրոնների մեջ ներառած եւ Թուրքիայի տարածքում գտնվող 10-11-րդ դարերում Հայաստանի մայրաքաղաք հանդիսացած Անիի հուշարձանների պահպանության հետ կապված լուրջ մտահոգություններ է ներկայացնում, ըստ որոնց՝ 10-11-րդ դարում Հայաստանի մայրաքաղաք Անին հայկական քաղաքակրթության անզուգական արժեք է։ «Անիի ավերակների մեջ ամենատպավորիչ եկեղեցու՝ 1001-ին կառուցված Անիի մայր տաճարի ոճը մեկ հարյուրամյակ հետո կրկնօրինակեցին Եվրոպայում։ Այժմ անհրաժեշտ է աշխատանքներ սկսել՝ կանգնեցնելու Անիի ավերումը եւ պահպանության տակ առնել այն»-նշվել է զեկույցում։
Անիին նվիրված 2 էջանոց զեկույցում նշվել է, որ Անին անբավարար հոգածության պատճառով կանգնել է ոչնչացման վտանգի առաջ, քանի որ վերանորոգման անվան տակ ենթարկվում է մի շարք բացասական նախաձեռնությունների։
Հոկտեմբեր 25, 2010 | 08:28
Leave a Reply