Դիարբեքիրի Սուրբ Կիրակոս հայկական եկեղեցում, որտեղ վերանորոգումը գրեթե ավարտին է հասնում, 30 տարի ընդմիջումից հետո առաջին անգամ աղոթեցին:
Այսօր Դիարբեքիրի Սուրբ Կիրակոս հայկական եկեղեցում, որտեղ ավարտին է հասնում վերանորոգումը, 30 տարի ընդմիջումից հետո առաջին անգամ աղոթեցին: Պոլսո հայոց պատրիարքի փոխանորդ Արամ Աթեշյանի աղոթքը խառնվեց մզկիթում ընթերցվող կեսօրվա երրորդ ազանի հետ (մուսուլմանների աղոթքի հրավեր): Դիարբեքիրի Բույուքշեհիրի քաղաքապետ Օսման Բայդեմիը աղոթելու եկած հայ քաղաքացիներին ասաց. «Ձեր առաջ ինձ պարտական եմ զգում: Այս քաղաքը որքան որ իմն է, այնքան էլ ձերն է»:
Վանի Աղթամար կղզու հայկական եկեղեցում տարիներ հետո կատարված պատարագից հետո այսօր աղոթք կազմակերպվեց Դիարբեքիրի Սուրբ Կիրակոս հայկական եկեղեցում, որի վերանորոգումը սկսվեց անցյալ տարի Բույուքշեհիրի քաղաքապետարանի աջակցությամբ և որը Միջին Արևելքի ամենամեծ եկեղեցին է: Անցյալ տարի սկսեցին վերանորոգել Սուրբ Կիրակոս հայկական եկեղեցին, որը 1980 թ. հետո բախտի քմահաճույքին էր թողնվել: 2.5 միլիոն դոլար արժողությամբ վերանորոգման գումարի 70 տոկոսը հոգացել է հայ համայնքը, իսկ 30 տոկոսը` Դիարբեքիրի Բույուքշեհիրի քաղաքապետարանը:
Ստամբուլից եկած Պոլսո հայոց պատրիարքի փոխանորդ Արամ Աթեշյանը, Դիարբեքիրի Սուրբ Կիրակոս հայկական եկեղեցու վաքըֆի նախագահ Թեքին Փաբուչյանը, հայ գրող Մկրտիչ Մարկոսյանը, Դիարբեքիրի Բույուքշեհիրի քաղաքապետ Օսման Բայդեմիրը, կենտրոնական Սուր գավառի քաղաքապետ Աբդուլա Դեմիրբաշը, Թուրքիայից, Սիրիայից և Եվրոպայից ժամանած հայերն աղոթեցին տանիքը ծածկված և վերանորոգումը շարունակող Սուրբ Կիրակոս հայկական եկեղեցում: Պոլսո հայոց պատրիարքի փոխանորդ Արամ Աթեշյանը, ով աղոթք կատարեց, նշեց, որ ինքն էլ դիարբեքիրցի է և կնքվել է այս եկեղեցում:
Աթեշյանը նեշով, որ այս եկեղեցին իր համար կարևոր է, որքան որ Աղթամարի եկեղեցին, ասաց. «Այս եկեղեցին միայն Դիարբեքիրի հայերինը չէ: Միայն աշխարհասփյուռ հայերինը չէ: Այս եկեղեցին դիարբեքիրցունն է: Այս եկեղեցին հանձնվել է Թուրքիայի խնամքին և հանդիսանում է աշխարհին ժառանգված Միջին Արևելքի մեր ամենամեծ եկեղեցին»:
Աթեշյանը հիշեցրեց, որ եկեղեցու պատարագի հրապարակը 1400 քառ. մետր Է, այնուհետև շարունակեց. «Տոներին որպեսզի կարողանանք տեղ զբաղեցնել, մայրիկս մեզ գիշերն այստեղ էր տեղավորում: Այսօր այն բազմամարդությունից զուրկ ենք, սակայն նրանց հոգիներն այստեղ՝ մեզ հետ են»: Աթեշյանը հայտնեց, որ եկեղեցու վերանորոգման համար ողջ աշխարհից աջակցություն են խնդրել, առաջ են շարժվել, իրենց համար մեծ կարևորություն է ունեցել տանիքը ծածկելը, ինչն էլ արել են: Այնուհետև շարունակեց` ասելով. «Հաջորդ տարիԱղթամարի եկեղեցու նման այստեղ ևս մեծ հանդիսավորությամբ պատարագ կանենք և կբացենք ծիսական արարողության համար: Այստեղ մենք մի այլ կերպ ենք ուրախ, որովհետև այս եկեղեցին մերն է, մեր ձեռքից վերցված եկեղեցի չէ: Հուսով եմ, որ առաջիկա տարում այստեղ բազմամարդ պատարագ կիրականացնենք»:
Օսման Բայդեմիր. «Ձեր առջև ինձ պարտավորված եմ զգում»
Դիարբեքիրի Բույուքշեհիրի քաղաքապետ Օսման Բայդեմիրն էլ նախ քրդերեն «այս ավանդը գլխիս վրա տեղ ունի» ասելուց հետո ելույթ ունեցավ թուրքերեն: Բայդեմիրը հայտնելով, որ բացման ժամանակ աղոթքի ձայնը խառնվեց ազանին, ասաց. «Նույն աստծոն խնդրեցինք և նույն աստծո համար աղոթեցինք: Եթե նույնիսկ մեր մարգարեները տարբեր էլ լինեն, միեւնույն է, դուք իմ եղբայրներն եք։ Խնդրում եմ՝ ընդունեք իմ եղբայրությունը։ Ես պարզ եւ անկեղծ եմ ասում։ Ձեր առաջ ես ինձ պարտական եմ զգում։ Որպես իմ ժողովրդի զավակ՝ ես պարտական եմ ձեզ։ Այս քաղաքը ինչքան որ իմն է, այնքան էլ ձերն է»: Բայդեմիրը աշխարհով մեկ ցրված համաքաղաքացիներին կոչ արեց. «Եկեղեցու բացումը մեր հայ եղբայրների հետ ենք անելու: Տա աստված՝ մեր այս հանդիպումը հավիտյան շարունակվի»:
Իսկ Դիարբեքիրի Սուրբ Կիրակոս հայկական եկեղեցու վաքըֆի նախագահ Թեքին Փաբուչյանն ասաց, որ 1980 թ. համայնքը գաղթել է Ստամբուլ և Եվրոպա, իսկ եկեղեցում պատարագ չի կատարվել, այն թողնվել է բախտի քմհաճույքին ու սկսել է ավերվել: Փաբուչյանն ասաց, որ իրենց է պատկանում նաև 190 տուն, սակայն մինչ այժմ միայն 11 է հաստատվել:
«Դողան» լրատվական գործակալություն
23.10.2010 20:28 [2335092]
http://www.haberler.com/30-yil-aradan-sonra-ilk-dua-2335092-haberi/
Հաղորդում են Ռամազան Յավուզը և Սերդար Սունարը Դիարբեքիրից
Leave a Reply