Կաղզմանի (Կաղզվան) Չենգիլլի եկեղեցուց պատմության բույր է գալիս

Մեծ է տեղաբնակ և արտասահմանցի այցելուների հոսքը դեպի Կարսի Կաղզման (Կաղզվան) գավառում գտնվող Չենգիլլի եկեղեցին:

Կաղզմանին ենթակա Չենգիլլի գյուղում գտնվող եկեղեցին հետաքրքրում է հատկապես օտարերկրացի զբոսաշրջիկներին:

Գյուղացի երեխաների խաղահրապարակում  գտնվող Չենգիլլի եկեղեցու որոշ հատվածները գտնվում են ավերակ ու ցաքուցրիվ վիճակում: Այս եկեղեցին, որը կարոտ է իրավասուների հոգածությանը, գյուղի մանուկների կողմից օգտագործվում է որպես խաղահրապարակ:

Տեղի գյուղացիները նշելով, թե Կաղզմանը պատմություն է բուրում, ընդգծում են նաև այս վայրերի արժևորման անհրաժեշտությունը: Գյուղացիները, շեշտելով հատկապես ամառային եղանակին այցելուներին հետաքրքրող Չենգիլլի գյուղի եկեղեցու շուրջ զբոսաշրջիկների համար նախատեսվող հաստատությունների կառուցման կարիքը, ընգծեցին նաև այս կողմերում զբոսաշրջության զարգացման անհրաժեշտությունը:

Եկեղեցու արձանագրությունը հայտնում է, որ այն  ենթարկվել է վրացական եկեղեցուն ենթակա մի վանքի: Նշվում է նաև, որ եկեղեցին պատկանել է այն հայերին, որոնց համայնքը եղել է էթնիկ վրացիների գաղութը կամ էլ վրացական (քաղկեդոնական) եկեղեցու անդամ հայերին, և որ տվյալ դարաշրջանում այս բնակավայրում հայեր են ապրել:

Գտնվել են նաև մի քանի հայատառ խաչքարներ, որոնցից մեկը թվագրված է 989 թվականով, մյուսը` 1024:

Կաղզմանի Չենգիլլի գյուղում գտնվող եկեղեցին այստեղի գյուղացիների համար հանդիպման վայր է դարձել: Եկեղեցու պատմությունը, որն այցելում են տեղաբնակները և արտասահմանցի զբոսաշրջիկները, ներկայացվում է գյուղի երեխաների միջոցով: Մանուկները ման են տալիս տուրիստներին` այդպիսով հոգալով իրենց գրպանի ծախսերը:

bulancakhaber.com
21.10.2010