Բազմալեզու համերգ՝ Բաթմանում

Բաթմանի համալսարանի Գեղարվեստի ֆակուլտետը դասախոսական կազմի մասնակցությամբ ստեղծել է Բազմալեզու երաժշտական համույթ:

Դասախոսներից և ուսանողներից կազմված խումբը ստեղծել է «Բազմալեզու երաժշտական համույթ», որը կատարում է քրդերեն, արաբերեն, թուրքերեն, զազաերեն, ասորերեն, հայերեն և պարսկերեն լեզուներով սրտառուչ երգեր:

Համույթը, որը սկսել է աշխատանքները, կազմված է Բաթմանի համալսարանի տարբեր միություններում պաշտոնավարող արաբ, քուրդ, թուրք, ասորի, զազա, եզդի դասախոսներից և ուսանողներից: Համույթի երգացանկի մեջ ներառված են տարբեր լեզուներով և ժանրերով այնպիսի երգեր, ինչպիսիք են հայերեն «Սարը գելինը», քրդերեն «Աղիր քեթըե դիլ-ա մին- Սիրտս բոցավառվեց» երգը, Սեզեն Աքսուի «Երկրորդ գարունը», ալևիական շնչով «Ես կշտամբանքի պատմուճանն ինքս հագա» աղոթերգը, ասորական ժողովրդական մեղեդին:

Գեղարվեստի ֆակուլտետի դեկան, դոկտոր, պրոֆեսոր Սոդաթ Ջերեջին, ով ստեղծել է մոտ 40 հոգուց բաղկացած «Բազմալեզու երաժշտական համույթը», ասաց. «Բաթմանի համալսարանում մեր համույթը երաժշտական ստեղծագործությունները, որոնց վրա շարունակում է աշխատել, սովորում է  դրանց պատմության ու փիլիսոփայության հետ միասին: Այս առումով համույթի մասնակիցները տարբեր մշակույթների և լեզուների մասին մանրամասն տեղեկություններ են ձեռք բերում: Դոցենտ-ասիստենտ, դոկտոր Բահաէդդին Իշջանի հետ միասին Բաթմանի շրջակայքում ժողովրդի հիշողության մեջ տեղ գտած երգերը ուսումնասիրելով՝ մեր պատրաստած երգացանկը կազմել ենք ավելի շատ սիրո մասին երգերից և թյուրքուներից: Մարդիկ առանց իրար ճանաչելու չեն կարող հասկանալ  միմյանց, իսկ առանց հասկանալու չեն կարող  իրար նկատմամբ հարգանք տածել: Թուրքիայի բազմամշակույթ ու բազմալեզու, երփներանգ մթնոլորտում որպեսզի մարդիկ իրար ճանաչեն և հասկանան, կան անթիվ-անհամար հնարավություններ և միջավայր: Խաղաղության համար անհրաժեշտ է այս հնարավորությունները տեսնել և արժևորել»:

20.102010

http://www.batmandogus.com/haber/haber/1381-haberler-batman-da-cok-dilli-konser.html