Կտտանքներ` թլպատման տեսքով

Մալաթիայի ՙԶիրվե՚ հրատարակչատանը երեք տարի առաջ սպանված 3 հոգու նկատմամբ կիրառված կտտանքներն իրենց ողջ մերկությամբ ցույց են տրվում լուսանկարներում:  

Թուրքիան 2007 թ. ապրիլի 18-ին ցնցվեց` Մալաթիայից ստացված լուրը լսելով: Այստեղ գործող ՙԶիրվե՚ հրատարակչատանն աշխատող երեք երիտասարդները` ՙմիսիոներականության մեջ մեղադրվող՚ գերմանահպատակներ Թիլման Գեսքեն ու Նեջաթի Այդընը, ինչպես նաև` Ուղուր Յուքսելը, սպանվել էին կտտանքների ենթարկվելուց հետո: Դեպքի կապակցությամբ ձերբակալվել էին 19-ից 20 տարեկան Էմրե Գյունայդընը, Աբուզեր Յըլդըրըմը, Ջումա Օզդեմիրը, Սալիհ Գյուրլերը և Համիդ Չեքերը: Ձերբակալվելուց հետո Մալաթիայի Ե տիպի կալանատանը բանտարկված մեղադրյալները դատվում են Մալաթիայի Երրորդ ծանր հանցագործությունների դատարանում` ցմահ բանտարկության դատապարտվելու պահանջով:

ՙԹարաֆ՚ օրաթերթը սպանությունների մասին լուրը ստանալուն պես ձեռնհաս եղավ դեպքի վայր գնացած ոստիկանության կողմից արված առաջին լուսանկարներին: Դեպքի վայրում հանված լուսանկարներում արտացոլված է ողջ վայրագությունը` բոլոր մանրամասներով:

Խոզի կապը

Լուսանկարներից երևում են նաև այն ծանր կտտանքները, որոնց ենթարկվել են կասկածյալների կողմից ոտքերն ու ձեռքերը կապված երեք զոհերը: Լուսանկարներում, որոնցում տեղ են գտել նաև սպանության ժամանակ գործածված դանակահարության տեսարանները, երևում է նաև, որ սպանված Թիլման Գեսքեն, Նեջաթի Այդընը և Ուղուր Յուքսելը բազմիցս դանակահարվել ու խեղդվել են մարդասպանների կողմից, որոնք խեղդամահ են արել զոհերին` նաև խոզի կապով նրանց կապելով և սեռական անդամները հատելով:

Արյուն տեսնելիս իբրև թե գլխապտույտ է ունենում

Լուսանկարների մեծ մասը չենք հրապարակում, քանի որ դրանք արյունը երակներում սառեցնող տեսարաններ են: Լուսանկարներում արտացոլված բռնության մասշտաբը հերքում են Էմրե Գյունայդընի հետևյալ խոսքերը, որ նա ասել էր տեսախցիկների առաջ. ՙԵս այն մարդն եմ, ով նույնիսկ հավ չի մորթել՚: Դարձյալ կասկածյալներից Աբուզեր Յըլդըրըմը ցուցմունքներ տալիս պատմում է, թե հարվածել է Ուղուր Յուքսելին, և երբ ձեռքի վրա արյան հետքեր է տեսել, սրտխառնուք է ունեցել և գնացել լոգարան: Ապա, երբ վերադարձել է սենյակ ու Նեջաթի Այդընին տեսել արյան մեջ, լաց է եղել և մեկ այլ սենյակ քաշվել: Սակայն լուսանկարները ցույց են տալիս, որ թեև ամբաստանյալներն արյուն տեսնելիս գլխապտույտ են ունենում, բայց դա չի խանգարել նրանց, որպեսզի ծանր կտտանքների ենթարկեն ձեռքերն ու ոտքերը կապված ՙքրիստոնյաներին՚:

Ցուցմունքներ, որոնք նախապես սովորեցրել են կասկածյալներին

Դատական գործի մեջ ներքաշված փաստաբան Էրդալ Դողանը հայտնեց, որ մեղադրյալներին նախապես ՙսովորեցրել՚ են, որպեսզի նման ցուցմունքներ տան, և որ ամբաստանյալները կրկնել են այդ ցուցմունքները` ստեղծված հոգեբանական մթնոլորտում և աջակցության արդյունքում: Դողանը հիշեցնելով, որ ստացված ծանուցող նամակներում տեղ են գտել պնդումներ, թե տվյալ դեպքը կազմակերպվել է ժանդարմերիայի վաշտում, և որ մեղադրյալներին դրդողներից մեկն էլ եղել է որպես ՙԷրգենեքոնի՚ գործով կասկածյալ ձերբակալված գնդապետ Մեհմեդ Ուլգերը, ասաց, որ գործի թղթապանակին կցվել են նաև այն ենթադրությունները, ըստ որոնց` արգելք են լինում իրական պատասխանատուներին բացահայտելու գործին:

Դատական գործի մեջ ներքաշված մեկ այլ փաստաբան՝ Օրհան Քեմալ Ջենգիզը, իր հերթին նշեց, որ տվյալ սպանության հետևում է կանգնած մի շատ մեծ կազմակերպություն: Փաստաբան Ջենգիզը հայտնելով, որ տվյալ սպանությունը նախապատրաստվել է 8 ամսվա ընթացքում, և որ ժանդարմերիան ու ոստիկանությունը զոհերին հետևել են` վերջիններիս միսիոներականությամբ զբաղվելու փաստարկով, նաև հետևյալն ասաց այդ կապակցությամբ. ՙԱյս սպանությունը ևս, Հրանտ Դինքի սպանության նման, կատարվել է` անվտանգության իրավասուների` դրանց վրա աչք փակելու պատճառով՚:

Սույն դատական գործը, որի շրջանակներում իրականացվել են 29 դատական լսումներ, երեք տարի տևելուց հետո հասել է դատավճռի կայացման փուլին: Այն դեպքում, երբ մի կողմից ուսումնասիրվում է, թե այս սպանությունն առնչություն ունի թե ոչ ՙԷրգենեքոն՚-ի և ՙՎանդակ գործողությունների՚ ծրագրի հետ, մյուս կողմից էլ հասարակայնությունը գտնելով, որ մեղադրյալների տված հակասական ցուցմունքները բավարար չեն, պահանջում է, որպեսզի բացահայտվի սպանության հետնաբեմը:

taraf.com.tr
20.10.2010