Ֆրանսիայում հավերժացրել են Մուսա Լեռան հայերին փրկած ֆրանսիացիների հիշատակը

Հոկտեմբերի 15–ին Տուլոնի ափին, Հայաստանի դեսպան Վիգեն Չիթեչյանի և Ֆրանսիայի պաշտպանության նախարար Հյուբեր Ֆալկոյի մասնակցությամբ տեղի ունեցավ Մուսա լեռում թուրքական բնաջնջումից 4100 հայերի փրկած ֆրանսիացի նավաստիների հիշատակին նվիրված հուշարձանի բացման արարողութունը, որի վրա գրված էր «Հայերը երախտապարտ են»։

«Նրանք մեր նավատորմի, մեր բանակի և, ընդհանրապես, ողջ Ֆրանսիայի հպարտությունն են»,– ասել է նախարարը։

Իր խոսքում Հյուբերը հիշեցրել է Ֆրանսիայի և Հայաստանի միջև գոյություն ունեցող բազմամյա կապերի մասին. «Պատմության ցավի և վշտի քամիները Ֆրանսիա բերեցին հայերի, նրանք ապրեցին այստեղ, աշխատեցին հաճախ շատ դաժան պայմաններում, ինտեգրվեցին ֆրանսիական հասարակությանը, մեծացրեցին իրենց երեխաներին։ Նրանք Ֆրանսիային տվեցին ամեն ինչ, նույնիսկ իրենց արյունը թափեցին իրենց նոր հայրենիքի համար», – ասել է Հյուբերը։ Այս մասին հաղորդում է անկախ լրագրող Ժան Էքյանը։

 Tert.am

16.10.10