Նախարար Չելիքը պարզաբանեց. «Ես քրիստոնյաներին «գյավուր» չեմ ասել»:

Ալևիական նախաձեռնությունը ղեկավարող պետնախարար Ֆարուք Չելիքը խստորեն հերքեց այսօր թերթերում տեղ գտած այն լուրերը, թե ինքը «քրիստոնյաներին գյավուր» է ասել:

Լուրերում, որոնք հիմնվում են Մարդինի Միդյաթի Ասորական մշակույթի միության նախագահ Յուհաննա Աքթաշի տված տեղեկության վրա, պնդվում է, որ նախարար Չելիքը հոկտեմբերի 12-ին «CNN Türk»-ի Ահմեդ Հաքանի վարած «Չեզոք գոտի» հաղորդման ժամանակ արել է հետևյալ արտահայտությունը. «Եթե գյավուրի կրոնը սովորեցնում ենք, ինչու ալևիականություն չսովորենք»:

Պետնախարար Ֆարուք Չելիքը պարզաբանման մեջ ասաց. «Բոլորովին էլ նման բան չի եղել, դա հրապարակային և ակնհայտ զրպարտություն է: Վա’յ թուրքական մամուլի վիճակին, եթե նման զգայուն թեմայով, առանց որևէ ուսումնասիրության վրա հենվելու, լուր է հաղորդում»:

Նախարար Չելիքը հայտնելով, թե վերոհիշյալ լուրը դիտավորությամբ է հրապարակվել, ասաց. «Կարծում եմ, որ այս լուրը երկու կարևոր նպատակ է հետապնդում. առաջինը աշխարհի երեսին Թուրքիայի չափազանց դրական զարգացող իմիջը կացնահարելն է, և երկրորդը` առողջ երկխոսության մեջ գտնվող Ալևիական նախաձեռնության գործընթացը կացնահարելը: Հայտնի է, որ նման հարձակումը կազմակերպել են նրանք, ովքեր տեսնում են, որ կորցնելու են շահագործման ոլորտները: Ափսոս, որ մեր մամուլն էլ լուրը հրապարակել է` առանց ճշտելու: Ամեն պահի պատրաստ եմ կառավարության և իմ անձի նկատմամբ քննադատություներ լսել, սակայն ինչ վերաբերում է հավատքի հարցերին, ցականում ենք, որ բոլորն ավելի զգույշ լինեն»:

 haber7.com
15.10.2010