Թուրքիայի կաթոլիկ եպիսկոպոսների խորհրդի նախագահ, Իզմիրի արքեպիսկոպոս Ռուջերո Ֆրանչեսկինին Վատիկանում Մերձավոր Արեւելքին նվիրված սինոդի հավաքում հայտարարել է, որ Թուրքիայում քրիստոնյաների սպանությունները ծրագրված բնույթ են կրում: Ինչպես հաղորդում է «Արմենպրես»-ը` վկայակոչելով Անատոլու գործակալությունը, Հռոմի Պապ Բենեդիկտոս 16-րդի նախագահությամբ ընթացող հավաքում արքեպիսկոպոս Ֆրանչեսկինին ասել է, որ Անատոլիայում սպանված քրիստոնյաները «ծայրահեղ ազգայնականների հետ կրոնական ֆանատիկոսների համագործակցությամբ պատրաստված մութ թակարդների» զոհերն են: «Իսքենդերունում եպիսկոպոս Լուիջի Պադովեզեին սպանել են` կտրելով նրա վիզը:
Դա նախապես ծրագրված մի հանցագործություն էր: Եպիսկոպոս Պադովեզեին սպանել են ազգայնականներն ու արմատական կրոնականները: Նմանների զոհերն են դարձել նաեւ Տրապիզոնի քահանա Անդրեա Սանտորոն, հայ խմբագրապետ Հրանտ Դինքը` Ստամբուլում եւ 4 բողոքականներ` Մալաթիայիում»,-ասել է նա եւ կոչ արել Հռոմի Պապին տեր կանգնել Թուրքիայի տարածքում բնակվող քրիստոնյաներին:
15 ՀՈԿՏԵՄԲԵՐԻ
ԱՐՄԵՆՊՐԵՍ
ՎԱՏԻԿԱՆ
Leave a Reply