Սվասում /Սեբաստիա/ կազմակերպվեց “Բազմամշակութայնությունը հարստություն է, թե սպառնալիք” թեմայով կոնֆերանս:
Սվասի Երիտասարդական միությունից ստացված տեղեկության համաձայն` Սվասի Երիտասարդական միության, 3H շարժման, “Ջումհուրիյեթ” համալսարանի (CÜ) Երիտասարդական կենտրոնի և Երիտասարդական-ակադեմիական ակումբի կողմից համատեղ կազմակերպված “Բազմամշակութայնությունը հարստություն է, թե սպառնալիք” թեմայով կոնֆերանսին մեծ մասնակցություն են ցուցաբերել “Ջումհուրիյեթ” համալսարանի ուսանողները:
Սույն կոնֆերանսը, որը նախատեսում էին կազմակերպել “Ջումհուրիյեթ” համալսարանի Մշակութային կենտրոնում, հոկտեմբերի 11-15-ը տեղի ունեցող “Ջումհուրիյեթ” համալսարանի նոր ուսումնական տարվա բացմանը նվիրված համերգների պատճառով կայացավ Տնտեսական կառավարում ֆակուլտետի կոնֆերանսների սրահում: Սեմինարի հանդեպ ուսանողների ցուցաբերած մեծ հետաքրքրության պատճառով բազմաթիվ ուսանողներ, չնայած մեծ ցանկությանը, չկարողացան մասնակցել կոնֆերանսին:
Ըստ ստացված տեղեկության` զեկուցողներից Նեջդեթ Սուբաշըն ելույթ է ունեցել ալևիականության, Կարո Պալյանը` հայերի, Սոներ Թուֆանը` քրիստոնեության, իսկ Հիդայեթ Շեֆքաթլի Թուքսալը` կանանց թեմայով: Չորս ժամ տևած սեմինարի ընթացքում ուսանողները նաև հարցեր ուղղեցին զեկուցողներին:
10/14/2010
Leave a Reply