Դիարբեքիրի հայկական եկեղեցին բացվելու է պաշտամունքի համար

Սուրբ Կիրակոս եկեղեցու վաքըֆի կողմից վերանորոգվող հայկական եկեղեցում պատարագ կատարելու համար դիմում են ներկայացրել:

 Հայ համայնքը Վանի Աղթամար եկեղեցուց հետո ծրագրում է պատարագ կատարել Դիարբեքիրի հայկական պատմական Սուրբ Կիրակոս եկեղեցում:

 Սուրբ Կիրակոս եկեղեցու վաքըֆի կողմից վերանորոգվող եկեղեցում 32 տարի ընդմիջումից հետո տարվա մեջ երկու անգամ պատարագ կատարելու համար դիմել են Պոլսո հայոց պատրիարքարանին: Այն դեպքում, երբ 600 տարվա եկեղեցում 1978 թ. ի վեր պաշտամունքային արարողություն չի կատարվել, դիարբեքիրցի հայերի հիմնած Սուրբ Կիրակոս եկեղեցու վաքըֆը համայնքից հավաքել և հոգացել է 2.5 միլիոն դոլար արժողությամբ վերանորոգման գումարը: 2011 թ. վերանորոգման աշխատանքներն ավարտելուց հետո եկեղեցու վրա խաչ է դրվելու, և պատարագ է կատարվելու:  

Սուրբ Կիրակոս եկեղեցու վաքըֆի նախագահ Թեքին Փաբուչչիյանն ասաց. «Եկեղեցին վերանորոգվել էր 1900-ականների սկզբին: Երբ մեր համայնքը, այդ թվում նաև ես Ստամբուլ և Եվրոպա գաղթեցինք, 1978 թ. ի վեր եկեղեցում պատարագ չի մատուցվել: Եկեղեցին թողնվել է բախտի քմահաճույքին: Երեխաներս Ստամբուլում են ծնվել, Դիարբեքիրը երբեք չեն տեսել: Երբ եկեղեցին ծիսական արարողությունների համար բացվի, կգան այստեղ և կտեսնեն: Պատրիաքի հետ հանդիպում ենք, վերանորոգումից հետո տարվա մեջ մեկ կամ երկու անգամ այստեղ ծիսական արարողություն է կատարվելու: Նախատեսում ենք վերանորոգումն ավարտել 2011 թ. ընթացքում: Դիարբեքիրի Բյույուքշեհիրի քաղաքապետարանում նախագծի շրջանակներում աջակցություն է ցուցաբերվելու վերանորոգման աշխատանքներին»:

Վեյսի Իփեքը հաղորդում է Դիարբեքիրից:

 haberturk.com
11.10.2010