Էրգենեքոնի գործին կցված մի որոշում էլ` Սվասից /Սեբաստիա/

Ստամբուլի հատուկ իրավասությամբ հանրապետական դատախազ Քասըմ Իլիմօղլուն Սվասում Մինաս Դուրմազգյուլերի դեմ մահափորձ ծրագրելու կասկածով, ում համար նշվում է, որ հայկական ծագում ունեցող քաղաքացիների հոգևոր առաջնորդն է, դատական գործ է հարուցել Էմրահ Գյոնենջիի և Բեքիր Չելիքի դեմ:

Մեղադրական եզրակացության մեջ նշվել է, որ այս մեղադրյալները «հրահանգներ են ստացել  Էրգենեքոն ահաբեկչական կազմակերպություն համարվող կազմավորման Սվասի գործողությունների ղեկավար, Հատուկ գործողությունների գրասենյակի պետի նախկին տեղակալ Իբրահիմ Շահինից: Սվասում տարված հետաքննությունից հետո Էրգենեքոնի գործին միավորելու պահանջով Ստամբուլ ուղարկված  դատական գործի մեղադրական եզրակացությունում հիշեցվեց, որ նույն հետաքննության ժամանակ որպես ամբաստանյալ հիշատակված վերոհիշյալ Իբրահիմ Շահինը, ֆաթմա Ջենգիզը և Էրսին Գյոնեջին որպես մեղադրյալ ներգրավված են նաև Էրգենեքոնի դատական գործի ամբաստանագրում` նույն մեղադրանքով»:

Մեղադրական եզրակացության մեջ ասվում է, որ Սվասում հայկական ծագում ունեցող քաղաքացիների հոգևոր առաջնորդ Մինաս Դուրմազգյուլերի դեմ մահափորձ նախապատրաստելու առնչությամբ հետաքննություն է սկսվել 13 հոգու, այդ թվում` Իբրահիմ Շահինի դեմ: Հիշեցվում է նաև, որ Էրգենեքոնի հետաքննության շրջանակներում Իբրահիմ Շահինի տանը կատարած խուզարկությունների ժամանակ գտնվել են մահափորձի ծրագրերը, ինչպես նաև` «Ահաբեկչական ծրագիրը», որտեղ տեղ են գտել «Ս1» անունը ստացած հանցախմբերը: Մեղադրական եզրակացության մեջ արձանագրվում է, որ այս ծրագրի առնչությամբ դատական գործ է հարուցվել Ստամբուլի Ծանր հանցագործությունների 13-րդ դատարանում, նաև նշվում, թե Էրգենեքոնի հետաքննության շրջանակներում դատական գործ է հարուցվել Իբրահիմ Շահինի, Ֆաթմա Ջենգիզի և Էրսին Գյոնենջիի դեմ:

Նշվում է նաև, որ Սվասում տարված հետաքննության շրջանակում 2009 թ. հունվարի 8-ին Մինաս Դուրմազ Գյուլերը ցուցմունքներ է տվել Սվասի Անվտանգության տնօրինությանը: Դուրմազ Գյուլերը հայտնելով, որ երկար տարիներ զբաղվում է արծաթագործությամբ, ունի սեփական խանութ, հայկական ծագում, ինչպես նաև նշելով, թե Սվասում կան մոտ 20 տուն հայ քաղաքացիներ, որոնց հետ պարբերաբար հանդիպում է, ասել է, թե ոչ մի խնդիր չի ունեցել ոչ մեկի հետ: Մեղադրական եզրակացության մեջ նշվում է, թե այն բանից հետո, երբ 2008 թ. հայտնի է դարձել նման գործողության ծրահիրը, Դուրմազ Գյուլերը պաշտպանության տակ է վերցվել, եզրակացության մեջ լուսաբանվում է` այն բանից հետո, երբ նրան բացատրեցին իրավիճակը, Դուրնազ Գյուլերն ասաց որ չի ճանաչում կասկածյալներին, գաղափար անգամ չունի, թե ինչ նպատակով են իր նկատմամբ մահափորձ կազմակերպել, իրենց միջև ատելություն չի եղել, բոլորի հետ ընկեր է եղել, իր նկատմամբ մահափորձ իրականացնողների դեմ հայց է ներկայացնում:

Արձանագրվել է նաև, որ կասկածյալներ Իբրահիմ Շահինն ու Ֆաթմա Ջենգիզը աշխատել են հայկական ծագում ունեցող անձանց մասին տեղեկություններ ապահովել, մի խումբ նախաձեռնություններով հանդես եկող անձանց անունները գրանցել, իրար հետ հաղորդակցվելու համար միմյանց հղված նամակներից մեկում Իբրահիմ Շահինն իրեն բնորոշել է հետևյալ արտահայտությամբ` «ես հայերի դեմ հիմնված կազմակերպության առաջին նախագահն եմ», մեկ այլ նամակում էլ «…Ասենա’, հանձնարարություն կա. պետք է հայ սպանել» խոսքերով հրահանգ է տվել Ֆաթմա Ջենգիզին, ով օգտագործել է «Ասենա» գաղտնաբառը:

Մեղադրական եզրակացության մեջ տեղ է գտել նաև այն տեղեկությունը, ըստ որի` կասկածյալ Շահինը ևս գտնվել է Դուրմազ Գյուլերի դեմ մահափորձ նախապատրաստող խմբի մեջ, կազմել է հայերից ներողություն խնդրելու համար Թուրքիայի Ազգային մեծ ժողովի /ԹԱՄԺ/ նախագահությանը խնդրագիր ներկայացնելու արշավը կազմակերպած մարդկանց անունների ցանկը, ըստ Իբրահիմ Շահինի տան մեջ գտնված մահափորձի ծրագրի` հայցվոր Ալի Բալքըզի, Քազըմ Գենչի և Մեսրոբ Մութաֆյանի նկատմամբ «ահաբեկչական ծրագիր» է պատրաստել, ծրագրված հանցագործությունը պետք է իրականացնեին Անկարայի Գյոլբաշըում գտնված զենքերով, «Ս1» կոչված կազմավորման մեջ և ահաբեկչության ծրագրերում հիշատակվող այս կասկածյալները որպես թիմ նախապատրաստվել են այս մահափորձերին:

Կասկածյալ Իբրահիմ Շահինի գլխավորած միավորումների դեմ իրականացված տեխնիկական հետապնդումների ժամանակ հայտնի է դարձել նաև, որ նրանք գործողություններ են ծրագրել Թուրքիայում բնակվող հայկական ծագում ունեցող քաղաքացիների դեմ, մահափորձ է ծրագրվել Սվասի նահանգում բնակվող և շրջանի հայկական ծագում ունեցող քաղաքացիների հոգևոր առաջնորդ Մինաս Դուրմազ Գյուլերի հանդեպ, այս նպատակով կասկածյալ Իբրահիմ Շահինը աշխատել է պարզել Մինաս Դուրմազ Գյուլլերի հասցեն:

Մեղադրական եզրակացության մեջ, որը կազմել է դատախազ Քասըմ Իլիմօղլուն, նշվում է, որ Ստամբուլի Քրեական օրենսգրքի 250 հոդվածի համաձայն` էմրահ Գյոնենջիի և Բեքիր Չելիքի գործերն առանձնացվել են և ուղարկվել Հատուկ իրավասության հանրապետական գլխավոր դատախազության նախագահություն: Հարուցված դատական գործի մեղադրական եզրակացության մեջ, որը պահանջել են միավորել Էրգենեքոնի գործի քննությանը, երկու ամբաստանյալները մեղադրվում են «կազմակերպության անդամ լինելու և կազմակերպությանը օգնություն ցուցաբերելու մեջ»: Դատական գործը սկսվելու է 2010 թ. հոկտեմբերի 10-ին  Սիլիվրի բանտի հարևանությամբ ստեղծված դատարանի դահլիճում, որտեղ քննվում է Էրգենեքոնի դատական գործը:

 «Սթար օրաթերթ»

08.10.10

http://www.stargazete.com/guncel/ergenekon-a-bir-birlestirme-karari-da-sivas-tan-haber-300438.htm