Թուրքիայի Հանրապետության Մշակույթի նախարարությանը

Որքանով որ տեղեկացել ենք թերթերից, Ձեր նախարարությունը Ազգայնական շարժում կուսակցության դիմումի հիման վրա թույլ է տվել հոկտեմբերի 1-ին ուրբաթօրյա նամազ անել Կարսի Անիի ավերակներում` որպես Ֆեթհիյե մզկիթ հայտնի վայրում:

Այս պահին, որին այսօր հասել է մեր երկիրը, ժողովրդավարական հասարակության մեծամասնության կողմից ընդունված սեպտեմբերի 12-ի հանրաքվեով գրանցված սահմանադրական փոփոխությունները, այսօրվա հասարակության մեծամասնության կողմից ոչ վաղ անցյալում արված շատ խիստ քննարկումներում տարակարծիքների տեղիք տված քրդական հարցի կարգավորման ջանքերին աջակցելու նշույլներն ամրապնդել են մեր հավատը` առ այն, որ մեզ առաջ ընթանալու հույս տված Թուրքիան և թուրքիացիներն առաջ են գնում դեպի ավելի ժողովրդավարական և ավելի մարդկային ապագայի կերտմանը:

Մի կողմից, երբ նման դրական զարգացումներ են գրանցվում, մյուս կողմից այս առաջընթացին և զարգացումներին խոչընդոտելուն ուղղված գաղտնի և բացահայտ խարդավանքները օրեցօր բոլորիս աչքի առաջ են հայտնվում` վիրտուալ և տպագիր լրատվամիջոցների միջոցով: Մեր կարծիքով` Ձեր նախարարության կողմից այս նամազի դիմումին ի պատասխան տրված թույլտվությունն անուղղակիորեն աջակցում կամ օրինական հող է նախապատրաստում  վերոհիշյալ գաղտնի/բացահայտ խարդավանքների հեղինակների` այս ուղղությամբ կատարած ջանքերի համար: Այս համատեսքտում վերոնշյալ թույլտվությունը միևնույն ժամանակ մեծ հակասության մեջ է մտնում Ձեր կառավարության` մեր կողմից վերը նշված դրական ջանքերի հետ: Բացի այդ, հասարակության կրոնական հավատալիքների համաձայն` սուրբ համարվող, պատմական ու գիտական տեսանկյունից ևս իր այդ առանձնահատկությամբ հիշատակվող Անիի ավերակներում նման ցուցադրական նամազի թույլատրումը վիրավորել է նաև Թուրքիայում հայ համայնքի կրոնական զգացմունքները:

Հարգանքներով Ձեր ուշադրությանն ենք ներկայացնում`

Ռյուսթեմ Այրալ

Նադյա Ույգուն

Արթուր Հանըմյան

Մուրադ Բեբիրօղլու

Հալուք Սունաթ

Սեմրա Սունաթ

Սոնա Քյուչուքյան

Թամար Չիթաք

ID:730
5.10.2010

http://www.hyetert.com/yazi3.asp?s=0&Id=730&DilId=1