ՎԱՆԻ ՀԻՄՆԱԴՐՈՒՄՆ ՈՒ ՊԱՏՄՈՒԹՅՈՒՆԸ` ԳԻՏԱԿԱՆ ՀԱՐԹՈՒԹՅՈՒՆԻՑ

Եռօրյա միջազգային գիտաժողով Երեւանում

Այսօր «Մոսկվայի տանը» «Վասպուրական» հայրենակցական միության եւ ԳԱԱ հնագիտության ինստիտուտի նախաձեռնությամբ տեղի կունենա եռօրյա միջազգային գիտաժողով` նվիրված Վան քաղաքի հիմնադրման 2865-ամյակին` մասնակցությամբ ԳԱԱ պատմության եւ արեւելագիտության ինստիտուտների, մտավորականների: Զեկուցումերով կներկայանան հայ եւ արտասահմանցի գիտնականներ, որոնք գիտական հարթության վրա` փաստերով եւ տարեթվերով կներկայացնեն Վան քաղաքի պատմությունը:

«Վասպուրական» հայրենակցական միության նախագահ Գագիկ Բաղդասարյանը «Ազգի» հեռախոսազրույցում, ներկայացնելով գիտաժողովի օրակարգն ու նշանակությունը, ընդգծեց, որ վերջին ժամանակաշրջանում Վան քաղաքին, հիմնադրմանն ու պատմական անցյալին հաճախ են անդրադառնում, Աղթամարի Սուրբ Խաչ եկեղեցում կատարված պատարագից հետո միջազգային հանրության հետաքրքրությունը Վանի նկատմամբ ավելի ուժեղացավ:

«Հետեւաբար որոշեցինք գիտական հարթության վրա աշխարհին ներկայացնել Վանի պատմությունը: Փաստորեն Երեւանում եռօրյա գիտաժողովի ընթացքում կխոսենք Հայաստանի առաջին մայրաքաղաքի մասին, իսկ գիտաժողովի հաջորդ օրը` հոկտեմբերի 10-ին, կնշենք Հայաստանի ներկայիս մայրաքաղաքի տոնը», ասաց Գագիկ Բաղդասարյանը:

Հ. Հ.

07.10.10

ԱԶԳ» ՕՐԱԹԵՐԹ #182