Այսօրվա թերթերից տեղեկացանք, որ Աղթամարի մեր Սուրբ Խաչ եկեղեցում սեպտեմբերի 19-ին կատարված պատարագին ընդդեմ` Ազգայնական շարժում կուսակցության նախագահ Բահչելիի շուրջ համախմբված հավատացյալները` տեղական ղեկավար ատյաններն էլ ներառյալ, հոկտեմբերի 1-ին, Անիի Մայր տաճարում ուրբաթօրյա նամազ են անելու: /Փաստորեն նամազները, Ալլահի մեծության առաջ խոնարհվելով կատարվող աղոթք լինելու փոխարեն, երբեմն կարող են օգտագործվել նաև որպես ժողովուրդների դեմ ատելության արտահայտչամիջոց/:
Հիմա… Նշենք, որ եթե կարծում են, թե Դևլեթ Բահչելիից մեկ այլ մոտեցում էինք սպասում, ապա սխալվում են այդպես մտածողները:
Կարևորը ոչ թե Բահչելիի այդ «ժեստն» է, այլ հայ քաղաքացիներին տարիներ շարունակ խոստացված, սակայն միայն 2010 թ., այն էլ` տարին մեկ անգամվա համար Աղթամարի Սուրբ Խաչ եկեղեցում ցուցադրական շոուներով պատարագ արած թուրքական պետության կողմից անմիջապես ընդունելը, որ Դևլեթ Բահչելին ուրբաթօրյա նամազ անի հայերի համար ամենասուրբ համարվող և ճարտարապետական կառույցների գլուխգործոցների մեջ ընդգրկված Անիի Մայր տաճարում:
Նշանակում է, որ պետությունը կարողանում է չափազանց ճկուն վերաբերվել ժողովուրդներին վրեժխնդրությամբ ու ատելությամբ վերաբերվողներին, և եթե հայերի ամենասուրբ պաշտամունքի վայրերից մեկում պատարագ անելու համար հայերին տարին մեկ անգամ թույլտվություն է տալիս, դա էլ վերածում է դրսին ուղղված քաղաքական շոուի…
Է~հհ, ինչ ասենք, խերով լինի շոուներից օգուտ սպասողներին և բոլորին միամիտի տեղ դնելը սեփական գործը համարողներին:
Մեկ էլ հետաքրքիր է, թե այդ թալանված ու ավերված եկեղեցիներում աղոթելու թույլտվությունը ո՞ր օրենքների համաձայն է տրվում: Սխալվում են այն մտածողները, ովքեր կարծում են, թե այս գործի մեջ ընգրկված է նաև Լոզանի պայմանագիրը…
Նշում-Ինչպես նշվեց վերևում, սույն հոդվածը գրվել է Անիի տաճարում սպասվող նամազից մեկ օր առաջ:
Օհաննիկ Ագոփջան
ID:725
30.9.2010
Leave a Reply