Թուրքական «Միլլիեթ» պարբերականը հաղորդում է, որ լուսանկարիչ Աթթիլա Դուրաքի՝ Թուրքիայում մշակութային բազմազանությունը փաստագրած «Էբրու. մշակութային բազմազանության արտացուլումներ» նախագիծը Հայաստանի մայրաքաղաք Երևանում հանդիպելու է արվեստասերների հետ: Իսկ Թուրքիայի Թոփհանեում գտնվող Թյություն դեփոսու սրահը հյուրընկալել է հայերին առընչվող երկու ցուցահանդես:
Սահմանի երկու կողմը…
Այսօր Երևանի Նորարար փորձառական արվեստի կենտրոնում տեղի է ունենալու Աթիլլա Դուրաքի ցուցահանդեսը: Դուրաքը նախագիծը սկսել է 2000 թ. և միայն 2007 թ. է ավարտին հասցրել: Նա, Թուրքիայում նկարելով 15 հազար լուսանկար, գրանցել է 44 էթնիկ խումբ: Անցյալ շաբաթ Թյություն դեփոսուում բացված երկու ցուցահանդեսն էլ մոտ աշխարհագրական տարածքում ապրող հայերի մասին էին: Ցուցահանդեսներից առաջինը ֆրանսահայ լուսանկարիչ Անտուան Ագուջյանինն էր. «Հայերի հուշերը» անունը կրող ցուցահանդեսը բացվել է ապրիլի 27-ին և շարունակվելու է մինչև հունիսի 5-ը:
Իսկ մյուս ցուցահանդեսի անունը «Հորովել» է: Երիտասարդ արվեստագետ Արիքը, շրջել և նկարել է սահմանի երկու կողմի գյուղերը: Ցուցահանդեսում տեղ են գտել այդ լուսանկարներն ու իր լսած պատմությունների տեսագրությունները:
Մի պատկեր «Հորովել» ցուցահանդեսից…
Leave a Reply