Համշենում բողոքի ակցիա է տեղի ունեցել Էրդողանի վարած քաղաքականության դեմ

Հիմնականում համշենայահերով բնակեցված Թուրքիայի սեւծովյան Հոփա (Խոպա) քաղաքում քաղաքացիները բողոքի ակցիա են իրականացրել վերջին շրջանում Թուրքիայում տեղի ունեցող իրադարձությունների կապակցությամբ։

Թուրքական Evrensel պարբերականի փոխանցմամբ՝ Հոփայում բողոքի ակցիայի մասնակիցները շեշտել են, որ հուլիսի 15-ի հեղաշրջման փորձից հետո իշխանությունները երկրում հաստատած արտակարգ դրության միջոցով փորձում են բռնապետություն հաստատել։

Մասնակիցներն իրենց ձեռքերում պահել են ճնշումների ենթարկվող ընդդիմադիր թերթերի օրինակները, ինչպես նաեւ բողոքել վերջին շրջանում քրդական կուսակցության պատգամավորների ձերբակալությունների հետ կապված։

https://news.am/arm/news/356406.html