Երեք երկրներ՝ Սաուդյան Արաբիան, Թուրքիան եւ Կատարը, դեմ են արտահայտվում սիրիական ճգնաժամի կարգավորմանը: Այս մասին, այսօր՝ փետրվարի 1-ին, լրագրողների հետ հանդիպման ժամանակ նշել է ՀՀ ԱԳ նախկին փոխնախարար, արտակարգ եւ լիազոր դեսպան Արման Նավասարդյանը:
Նրա խոսքով, Մերձավոր Արեւելքում բոլորը պայքարում են բոլորի դեմ: «Սիրիայի հարցով «Ժնեւ-3» բանակցությունները հենց սկզբից ձախողված էին»,-ընդգծել է Նավասարդյանը:
Ինչ վերաբերում է այդ գործընթացում Թուրքիայի դիրքորոշման ու գործողություններին, փորձագետը նկատել է. «Թուրքերը ամեն ինչ ընթացքի մեջ են արել, նրանց գործողություններն ուղղված են Սիրիայի հարցով գործարքի տապալմանը: Արվում է ամեն ինչ ռազմական գործողությունները շարունակելու համար»:
Հիշեցնենք, որ հունվարի 29-ին Ժնեւում ՄԱԿ-ի հովանու ներքո մեկնարկել է սիրիական ճգնաժամի կարգավորմանն ուղղված բանակցությունների հերթական փուլը:
Leave a Reply