Մահչուփյան. «2015-ին հայ-թուրքական հարաբերություններում լուրջ զարգացումների չպետք է սպասել»

Թուրքիայի վարչապետ Ահմեթ Դավութօղլուի գլխավոր խորհրդական հայազգի Էթյեն Մահչուփյանն անդրադարձել է 2015 թվականին հայ-թուրքական հարաբերություններում սպասվող հնարավոր զարգացումներին:
Այս մասին հաղորդում է թուրքական «Գազեթեջիլեր» թերթը՝ Մահչուփյանի խոսքերը որակելով որպես հայերին բարկացնող հայտարարություններ:
Մահչուփյանն ասել է, որ 2015-ին երկկողմ հարաբերություններում որևէ արմատական փոփոխություններ չպետք է սպասել՝ դրանք հնարավոր համարելով առաջիկա տարիներին:
Հայ խորհրդականը Թուրքիայի համար առաջնահերթություն է համարել Հայաստանի և սփյուռքի հետ հարաբերությունների հաստատումը:
Մահչուփյանը մասնավորապես ասել է. «Կարծում եմ, որ այս տարի առավելապես խորհրդանշական քայլեր կարվեն, ու հնարավոր է նաև՝ հարաբերություններ հաստատվեն զգացմունքային մակարդակում: Սակայն կարծում եմ՝ քաղաքական և պատմական հարցերը կթողնվեն հաջորդող տարիներին: Այդ ժամանակ հարցերն ավելի հեշտ կլուծվեն»:
Դավութօղլուի հայազգի խորհրդականը հավելել է, որ Ռուսաստանը ևս կարող է նպաստել հայ-թուրքական հարաբերությունների նորմալացմանը:
http://ermenihaber.am/?lang_id=2&news_=3&cur_news=2203