Ստամբուլի հայկական «Փրկության տունը» կվերածվի ռեստորան-հյուրանոցի

Թուրքիայի հիմնադրամների մասին օրենքում տեղի ունեցած փոփոխությունից հետո հայերին վերադարձված պատմական Selamet Han-ը ՝«Փրկության կացարանը», վերածվելու է բուտիկ-հյուրանոցի։

Ինչպես տեղեկացնում է թուրքական Sabah պարբերականը, պատմական հայկական շինության առաջին հարկում ռեստորան է գործելու։

«Սուրբ Փրկիչ» հայկական հիվանդանոցի հիմնադրամի ղեկավար Պետրոս Շիրինօղլուն նշել է, որ ստացված եկամուտը հիվանդանոցի և ծերանոցի զարգացման համար է օգտագործվելու։

Պատմական շենքը հայերին է վերադարձվել երկար պայքարից և դատական քաշքշուկներից հետո՝ 2011թ.։ Այժմ «Սուրբ Փրկիչ» հայկական հիվանդանոցի հիմնադրամն այն վարձակալության է տվել թուրք գործարար Քեմալ Ալթենին։

Պետրոս Շիրինօղլուն տեղեկացրել է, որ պատմական շինության ստորին հարկում գործելու է ռեստորան, իսկ մնացած հարկերն օգտագործվելու է որպես հյուրատուն։

Պատմական շենքը 1953թ. հայ համայնքին է փոխանցել բարերար Գալուստ Գյուլբենկյանը։

http://www.tert.am/am/news/2013/11/11/selamet-han/