Ստամբուլում գործող Մալաթիայի HAYDer միությունը հասակայնությանը ներկայացրել է իր նոր նախագիծը, որի նպատակն է բացահայտել մասնագիտական կյանքում մեծ հաջողությունների հասած և ձեռքբերումներ ունեցած մալաթիացի հայերին։ Այդ մասին, ըստ www.akunq.net –ի, հայտնում է պոլսահայկական «Ակօս» շաբաթաթերթի կայքէջը։
Աղբյուրի համաձայն՝ «Մեր միջի արժանավորները» խորագիրը կրող այդ նախագծի շրջանակներում կազմակերպված առաջին հանդիպման հերոսն էր սրտանոթային վիրաբույժ, դոկտոր, պրոֆեսոր Մուրադ Ուղուրլուջանը։
Սեպտեմբերի 28-ին, երկուշաբթի երեկոյան Բեյօղլուի Երեք Խորան եկեղեցու Նարեկյան սրահում կազմակերպված միջոցառումն ուներ մեծ թվով մասնակիցներ։ Բացման խոսքով հանդես եկավ Մալաթիայի HAYDer միության նախագահ Նուբար Օփանը։ Այնուհետև ելույթ ունեցավ օրվա գլխավոր հերոսը՝ Մուրադ Ուղուրլուջանը, ով ոչ միայն պատմեց իր կյանքի ուղու մասին, այլ նաև պատասխանեց մասնակիցների՝ սրտի առողջությանը վերաբերող հարցերին։
«Մեր միջի արժանավորները» նախագծի նպատակը տարբեր բնագավառներում հաջողությունների հասած մալաթիացի հայերի բացահայտումն ու հանրությանը ներկայացումն է։ Հետագայում նախատեսվում է նման հանդիպումներ կազմակերպել Մալաթիայի այն հայերի հետ, ովքեր մեծ ձեռքբերումներ են ունեցել գիտական, գործարար, արվեստի, մշակույթի և այլ ոլորտներում։
https://www.agos.com.tr/tr/haber/malatya-hayderden-yeni-proje-42021
Թարգմանեց Մելինե Անումյանը
Leave a Reply