Նոր հրատարակութիւններ

– Աղպաշեան Համբարձում (Aghbashian Hambersom), «Ոգեկոչելով Հայոց 1915-ի ցեղասպանութեան 111-րդ տարելիցը» (111 Years Commemorating the Armenian Genocide of 1915), յառաջաբանը՝ դոկտոր Թահեր ալ-Պաքքայի (Իրաքի բարձրագոյն կրթութեան եւ գիտական հետազօտութեանց նախկին նախարար) եւ Սաիտ Չեթինօղլուի (թուրք պատմաբան, Սթամպուլ), Լոս Անճելոս, 2026, 170 էջ (ցեղասպանութեան նախորդող շրջանը, ընթացքը, յետպատերազմեան առաջին տարիները, Սեւրի եւ Լոզանի դաշնագիրները եւ այլն, քարտէս, պատմական վայրերու, անձնաւորութիւններու, կրթական եւ ճարտարապետական կառոյցներու, ազգային հաստատութիւններու եւ այլ՝ 200-է աւելի լուսանկարներ) (անգլերէն)։ Հեղինակը հատորը ձօնած է իր վեց թոռներուն՝ Պերճ, Արենի, Արի, Այգ, Մոնթէ եւ Լարին։

– Անտէզեան Սօսի եւ Նորտիկեան Լեւոն (խմբագիրներ) (Andézian Sossie, Nordiguian Lévon), «Ֆրանսական բանակին պարտութիւնը եւ Կիլիկիոյ մէջ հայկական ներկայութեան աւարտը 1919-1920 – Ֆրանսական ռազմական հետախուզութեան սպայ Ժոզեֆ Պաղճեանի վկայութիւնը» (Déroute de l’armée française et fin de la prèsence arménienne à Cilicie: 1919-1920 – Témoinage de Joseph Baghdjian Officier du Renseignement militaire français), Պէյրութ, 2026 (ֆրանսերէն)։

– Զարզաւաթճեան Գորին եւ Զարզաւաթճեան Ռիշար (Zarzavatdjian Corinne et Zarzavatdjian Richard), «Հայոց խոհանոցը – Աշխարհի տարածքին Սփիւռքի բաղադրատոմսեր եւ պատմութիւններ» (La cuisine des arméniens – Recettes et histoires de la Diaspora à travers le monde), նախաբանը՝ Ֆրանսական կաճառի անդամ Փասքալ Օրիի (Pascal Ory), «Սոլար» (SOLAR) հրատարակչութիւն, Փարիզ, 8 հոկտեմբեր 2026, 264 էջ (Հայաստանի եւ սփիւռքի հայկական խոհանոցի 70 ճաշատեսակներու բաղադրատոմսեր եւ պատրաստութեան նկարագրութիւն) (ֆրանսերէն)։

– Թաշճեան Վարդան, «Յուշեր ու վուշեր», Նիկոսիա, 2026, 550 էջ (լիբանանահայ, սակայն Կիպրոսի մէջ տասնամեակներ կրթական գործունէութիւն ունեցած հեղինակին յուշերը, լուսանկարներ)։

– Թաշճեան Վարդան, «Նամականի Յ. Գեղարդի հետ», նախաբանը Շահան Գանտահարեանի, Նիկոսիա, 2026, 296 էջ (Վ. Թաշճեանի՝ 1978-էն մինչեւ 17 փետրուար 2006 երկարող նամակագրութիւնը բանաստեղծ, հանրային գործիչ, բժիշկ Յարութիւն Գեղարդ/Գազանճեանի [1928, Գոնիա – 14 մարտ 2006, Փարիզ] հետ՝ իրենց անձերը եւ ազգը յուզող տարբեր հարցերու մասին)։

– Թոխաթեան Կարէն, «Հայաստանի ժայռապատկերները», խմբագիր եւ անգլերէնի թարգմանիչ՝ Գոհար Վարդումեան (հեղինակին տիկինը), «Գիտութիւն» հրատարակչութիւն, տպարան «Գէորգ – Հրայր», Երեւան, 2025 [2026], 520 էջ (շուրջ 150 գիտական արշաւներու արգասիքն եղող հրատարակութիւն, 7 քարտէզ, 248 աղիւսակ, հարիւրաւոր լուսանկարներ, անգլերէն ամփոփում, երկու յաւելուած, անձնանուններու, տեղանուններու, օգտագործուած աղբիւրներու մատենագիտութեան ցանկեր եւ այլն)։ Լոյս տեսած է Հայագիտական ուսումնասիրութիւնները ֆինանսաւորող համահայկական հիմնադրամի տրամադրած դրամաշնորհի միջոցներով։

– Տէր Մաթոսեան Պետրոս եւ Գզոյեան Էտիթա (խմբագիրներ), «Հայոց ցեղասպանութեան համակեդրոնացման ճամբարները» (The Concentration Camps of the Armenian Genocide), «Հայերը արդի եւ վաղ արդի աշխարհին մէջ» մատենաշար, մատենաշարի խմբագիր՝ Պետրոս Տէր Մաթոսեան, «Պլումսպըրի» հրատարակչութիւն (Bloomsbury Publishing), Լոնտոն – Նիւ Եորք, 1 հոկտեմբեր 2026, 520 էջ (16 x 23, 8 սմ.) (գրեթէ ամէն ինչ հայոց ցեղասպանութեան համակեդրոնացման ճամբարներուն մասին, նախաբան, հայ եւ օտար ցեղասպանագէտներու 20 յօդուած եւ մէկ եզրակացութիւն) (անգլերէն)։ Հրատարակութեանը նպաստած են Ֆրիտման հիմնադրամը, Հայմըն-Ռոզենպերկ փրոֆեսորշիփը եւ Նեսպրասքա-Լինքոլն համալսարանի պատմութեան բաժանմունքը։

– Քորտէլ Ժան, (Cordelle Jean), «Մուսա Տաղ Ռաս էլ-Մինայէն հայոց եւ նաւազներուն դիւցազներգութիւնը – Ժան լը Մէ՝ Ֆրանսայի ազգային նաւատորմի սպայի մէկ ուղին» (L’Epopée des Arméniens et des marins du Musa Dagh Ras El Mina: Jean Le Mée, un parcours d’officier dans la Marine nationale française, յառաջաբանը՝ Յարութիւն-Ռեմոն Գէորգեանի, «Մեզոննէօվ է Լարոս» – Հեմիսֆեր» (Maisonneuve & Larose – Hémisphères) հրատարակչութիւն, Փարիզ, 23 հոկտեմբեր 2025, 400 էջ (19,6 x 26 սմ.) (հեղինակի մօրական մեծ հօր՝ 23 տարեկան նորաթուխ նաւային սպայի ականատեսի վկայութիւնները 1915-ի ամառը մուսալեռցիներու փրկութեան գործողութեան մասին, բազմաթիւ լուսանկարներ) (ֆրանսերէն)։

– Օտեան Երուանդ, «Ընկեր Փանջունի», թարգմանչուհի՝ Խլուտ Եաագուպ, հրատարակիչ՝ Գահիրէի համալսարանի հայագիտութեան կեդրոն, Գահիրէ, օգոստոս 2026 (գիրքը նկարազարդուած է վէպի՝ Ալեքսանտր Սարուխանի երգիծանկարներով) (արաբերէն)։

Պատրաստեց

Գէորգ Նաթալի (Եազըճեան)