Աշխարհի պատմության ընթացքը փոխած կայսրությունների ցանկը

Վերանայվել և նոր հերթականությամբ դասակարգվել են պատմության ընթացքը փոխած և տարբեր ժամանակաշրջաններում հզորության գագաթնակետին հասած աշխարհի 15 խոշորագույն կայսրությունները:

Ըստ հրապարակված տվյալների՝ Օսմանյան կայսրությունը զբաղեցրել է 1-ին հորիզոնականը: Որպես հզորության գլխավոր գործոններ նշվում են կայսրության ռազմավարական դիրքը, ռազմական հաջողությունները և մշակութային բազմազանությունը: Կայսրության հզորության գագաթնակետը համարվել է 16-րդ դարը, երբ այն զբաղեցնում էր շուրջ 5.2 մլն կմ² տարածք՝ հանդիսանալով 3 մայրցամաքները միավորող կամուրջ:

Ցանկի առաջատար 5-յակում Օսմանյան կայսրությանը հաջորդում է Բրիտանական կայսությունը (19-րդ դար, տարածքը՝ 35 մլն կմ²), ապա՝ Մոնղոլականը (13-րդ դար, տարածքը՝ 24 մլն կմ²), Հռոմեականը ( Մ.թ.ա. 27 – մ.թ. 476 թթ., տարածքը՝ 5 մլն կմ²)։ Հնգյակը եզրափակում է Աբբասյան կայսրությունը (9-րդ դար, տարածքը՝ 11 մլն կմ²) :

Ցանկում ներառվել են նաև Խորհրդային Միությունը (7-րդ տեղ, 22 մլն կմ²), Նապոլեոնյան Ֆրանսիան (11-րդ տեղ, 2 մլն կմ²) և Բյուզանդական կայսրությունը (15-րդ տեղ, 3.5 մլն կմ²):

Չնայած տարածքային ծավալներով Բրիտանական և Մոնղոլական կայսրությունները զգալիորեն գերազանցում են Օսմանյանին, բայց վերջինս առաջատար է ճանաչվել իր աշխարհաքաղաքական ազդեցության և լոգիստիկ առավելությունների շնորհիվ: