Ֆրանսիական “Le Monde” օրաթերթում հոդված է հրապարակվել Թուրքիայի՝ աֆրիկյան երկրների հետ զարգացող հարաբերությունների մասին։ Մասնավորապես անդրադարձել է Թուրքիա-Մալի հարաբերություններին ու նշել է, որ Անկարան դառնում է ազդեցիկ և ռազմավարական գործընկեր Արևմտյան Աֆրիկայի երկրում։
Նշվում է, որ Մալին ունի անվտանգության խնդիրներ ու վերջին տարիներին զգալիորեն ընդլայնել է համագործակցությունը Թուրքիայի հետ։ Անկարան դարձել է անփոխարինելի գործընկեր հատկապես ռազմարդյունաբերության ոլորտում։
Վերջին տարիներին երկու երկրների միջև կնքվել են բազմաթիվ համաձայնագրեր, որոնք վերաբերում են զրահատեխնիկային, էլեկտրոնային և հսկողության համակարգերին, ականազերծման սարքավորումներին և զինվորական անձնակազմի վերապատրաստմանը։
Նաև ընդգծվել է, որ Թուրքիան Մալիին տրամադրում է անօդաչու թռչող սարքեր, ռազմական սարքեր ու իրագործում ուսումնական ծրագրեր։ Պարբերականը գրում է. «Ռուսաստանի ազդեցության թուլացման ու ռուսների նկատմամբ քննադատությունների հետևանքով էականորեն ամրապնդվել են Թուրքիայի դիրքերը։ Ֆրանսիայի և այլ արևմտյան երկրների ազդեցության անկմանը զուգահեռ Թուրքիան դարձել է Ռուսաստանի և Չինաստանի այլընտրանքային գործընկերը»։
Leave a Reply