Նախիջևանում հայտնաբերվել է մ.թ.ա. VIII դարի ուրարտական սեպագիր արձանագրություն․ հայտնում են ադրբեջանական լրատվամիջոցները։
Քարի վրա փորագրված արձանագրությունը նվիրված է Ուրարտուի թագավոր Իշպուինիին՝ Սարդուրի Ա-ի որդուն, ինչպես նաև նրա որդի Մենուային։ Արձանագրության մեջ պատմվում է Արշինի և Անիի քաղաքների նվաճման մասին։ Նշվում է նաև, որ Պուլուադի երկրում Խալդի աստծո պատվին կանգնեցվել է կոթող, ինչպես նաև կատարվել է զոհաբերության ծես։
Հայտնագործությունը կարևոր նշանակություն ունի տարածաշրջանի հնագույն պատմության ուսումնասիրության համար, քանի որ այն նոր տեղեկություններ է հաղորդում Ուրարտուի ռազմական արշավանքների, կրոնական ծեսերի և պետական գործունեության մասին։
Leave a Reply