ԲՊՀ-ում տեղի ունեցավ «Կիլիկիան և կիլիկիահայերը» խորագրով միջոցառում

Մայիսի 8-ին Վ. Բրյուսովի անվան պետական համալսարանի նիստերի դահլիճում Արևելյան լեզուների ամբիոնը կազմակերպեց «Կիլիկիան և կիլիկիահայերը» խորագրով միջոցառումը։

ԲՊՀ ՀՀՍ և ԹՖ ֆակուլտետների՝ թուրքերենը որպես երկրորդ օտար լեզու սովորող ուսանողները և Արևելյան լեզուների ամբիոնի ավագ դասախոս Մելինե Անումյանը հանդիսատեսներին ներկայացրեցին Կիլիկիայի հայոց թագավորության պատմությունը և թագավորության անկումից հետո կիլիկիահայերի՝ ինքնության պահպանման համար մղած պայքարը։

Առանձին անդրադարձներ եղան Կիլիկիայի հայոց թագավորության հռչակմանը, հայտնի թագուհիներին, պետական կարգին, բերդերին, ամրոցներին, Զեյթունի, Հաճընի և Մուսալեռան բարբառներին, Մարաշի և Այնթափի ասեղնագործությանը, Զեյթունի հերոսամարտին, Ադանայի կոտորածին, Մուսալեռան ինքնապաշտպանությանը և կիլիկիահայերի ներկայիս բնակավայրերին՝ Քեսաբին, Այնճարին և Վաքըֆլը գյուղին։

ԹՖ ֆակուլտետի երկրորդ կուրսի ուսանողուհի Նարե Սարատիկյանի կատարմամբ հնչեց «Կիլիկիա» երգը, իսկ ԹՖ ֆակուլտետի երկրորդ կուրսի ուսանողուհի Արմինե Մակվեցյանը և ՀՀՍ ֆակուլտետի երկրորդ կուրսի ուսանողուհի Գոհար Համբարձումյանը երգեցին «Հուսո առագաստ»-ը։

https://brusov.am/hy/content/bph-um_teghi_unecav_kilikian_ev_kilikiahayery_khoragrov_mijocarum#sthash.UPjHJVmF.dpbs