Թուրքիայի հայկական եկեղեցում տեղի է ունեցել միջինքի արարողություն

Թուրքիայի Կայսերի (Կեսարիա-Ակունքի խմբ․) քաղաքի Սուրբ Գրիգոր Լուսավորիչ հայկական եկեղեցում Կ․ Պոլսի պատրարք արքեպիսկոպոս Սահակ Մաշալյանի գլխավորությամբ տեղի է ունեցել միջինքի (Մեծ պահքը կիսող օր) արարողություն։ Միջինքի արարողությանը մասնակցել են մեծամասամբ Ստամբուլից եկած հայերը։ Պատարագի ժամանակ ներկաները մոմ են վառել և աղոթել։ Պատարագից հետո Մաշալյանը լրագրողներին հայտնել է, որ հաջորդ օրը նրանք կլինեն Իսքենդերունի եկեղեցում և հավելել, որ այս տարի իրենց պատարագը կատարել են շատ գեղեցիկ և խաղաղ ձևով՝ հիշելով Կայսերիում իրենց նախնիների անցյալը և ներդրումը։

Մաշալյանը, ընդգծելով Կայսերիի եկեղեցու կարևորությունը, նշել է, որ Կայսերիի քաղաքապետ Մեմդուհ Բույուքքըլըչի և նահանգապետ Գյոքմեն Չիչեքի հետ հանդիպման ժամանակ պաշտոնյաները շատ լավ են հասկացել եկեղեցու կարևորությունը։ Նրանք խոստացել են իրենց ուժերի սահմաններում ամեն ինչ անել։ Ըստ պատրիարքի՝ այս սրբավայրն ունի որոշ խնդիրներ. խոնավ է և քայքայվում է անձրևի պատճառով, բայց և վստահ է, որ առաջիկա օրերին միջոցներ կձեռնարկվեն այդ հարցի լուծման համար։

Իրանի վրա ԱՄՆ-ի և Իսրայելի հարձակումների մասին լրագրողի հարցին ի պատասխան՝ Մաշալյանը նշել է, որ մարդկության պատմությունը բազմաթիվ վայրագություններ է պարունակում, որ անմեղ մարդիկ պատժվել են, և որ նրանք կրկին բախվում են նման պատերազմի։

«Պայքարելը հեշտ է թվում, բայց պատերազմի ժամանակ մարդիկ հասկանում են խաղաղության արժեքը։ Աստված թող պաշտպանի մեր երկիրը նման անիմաստ պատերազմներից և հակամարտություններից»,-նշել է Մաշալյանը։