Թուրքիայի նախագահ Թայիփ Էրդողանը Եվրոպական հանձնաժողովի նախագահ Ուրսուլա ֆոն դեր Լայենի հետ հեռախոսազրույցում հայտարարել է, որ իր երկիրը պատրաստ է աջակցել խաղաղ ջանքերին՝ Իրանի շուրջ ստեղծված հակամարտության կարգավորման ուղղությամբ։
«Մեր նախագահը հեռախոսազրույց է ունեցել Եվրոպական հանձնաժողովի նախագահ Ուրսուլա ֆոն դեր Լայենի հետ։ Քննարկվել են Իրանի դեմ հարձակումները և դրանց հետևած լարվածության սրացումը։ Էրդողանը նշել է, որ Թուրքիան բոլոր կողմերին հրավիրում է վերադառնալ դիվանագիտության և բանակցությունների ուղի և պատրաստ է համակողմանի աջակցություն ցուցաբերել խաղաղ գործընթացին», — ասվում է Թուրքիայի նախագահի աշխատակազմի հաղորդագրությունում։
Էրդողանը նաև ընդգծել է, որ կարգավորման ջանքերի համատեքստում «Թուրքիայի և ԵՄ-ի միջև սերտ համակարգման շարունակումը կարևոր նշանակություն ունի»։
Leave a Reply